Quelltext vun der Säit Sireen (Apparat) weisen

{{Aner Bedeitungen op Mooss|dem akustesche Warnapparat '''''Sireen'''''|aner Bedeitungen|Sireen}}
[[Fichier:Luxembourg, sirène Bonnevoie Verger (102).jpg|thumb|Elektronesch Sireen vum Typ « PSE Elektronik EPS 500 » um Daach vun der Grondschoul zu Bouneweg]]
[[Fichier:Sirene.ogg|thumb|Tounbeispill fir eng Zivilschutzsireen E57]]
Eng '''Sireen''' ass en Apparat deen en [[Akustik|akusteschen]] [[Alarm]] oder eng Warnung vu sech gëtt. An der Reegel handelt et sech ëm en Tuten oder Haulen dat op- an ofschwëllt. Am ëffentleche Raum ginn d'Sireene gebraucht fir d'[[Pompjeeën]] z'alarméieren oder d'Zivilbevëlkerung am Fall vun enger [[Katastroph]] ze warnen.

Hiren Numm krut d'Sireen am Joer [[1819]] vum [[Charles Cagniard de Latour]] dee [[Sireen vum Cagniard-Latour|säi Moossinstrument fir Téin]] , als Referenz un d'[[Sireen (Mythologie)|Sireen]] aus der [[Griichesch Mythologie|griichescher Mythologie]] sou genannt hat.

== Modeller vu Sireenen ==

=== Mechanesch Sireen ===
Eng [[Mechanik|mechanesch]] Sireen (och nach Motorsireen) besteet aus enger [[Rotor]] an engem [[Stator]]. De Rotor ass eng [[Trommel]] déi änlech wéi e [[Millerad]] gebaut ass an an engem Gehais, dem Stator, sëtzt.

Duerch d'Dréie vum Rotor (deen z. B. vun engem [[Elektromotor|elektresche Motor]] ugedriwwe gëtt), gëtt de Loftstroum deen derbäi entsteet, ëmmer nees ofgeschnidden a produzéiert en Toun. D'Tounhéicht hänkt vun der Dréizuel an der Zuel vun de [[Schaut]]en an der Trommel of. D'Tounhéicht vun enger Sireen an [[Hertz (Eenheet)|Hertz]] rechent een, andeems d'Ëmdréiunge pro Sekonn mat der Zuel vun de Schaute multiplizéiert gëtt.

D'elektro-mechanesch Siren „Typ E 57“ vu [[Siemens]] déi an Däitschland als „westdäitsch Standardsireen“ bekannt war, war och zu Lëtzebuerg nieft anere Modeller bis 2010 am Gebrauch<ref>[https://112.public.lu/dam-assets/fr/publications/rapports/generaux/activ-2001.pdf Rapport d'activités 2001 vun der Protection Civile] an deem preconiséiert gëtt datt déi al Modeller tëscht 2001 an 2010 ersat ginn</ref>. Se hat 9 Schauten an huet bei enger Distanz vun 30 m mat 101 [[Dezibel|dB]](A) an enger Tounhéicht vu 420 ±16,5&nbsp;Hz gehuerelt.

=== Pneumatesch Sireen ===
Änlech wéi bei der mechanescher Sireen entsteet de Toun beim [[Pneumatik|pneumatesche]] Modell doduerch, datt de Loftstroum am Rotor zyklesch ënnerbrach gëtt.

Am Géigesaz zu der mechanescher Sireen, bei där de Loftstroum duerch d'[[Zentrifugalkraaft]] entsteet, gëtt hei aus engem Drockloftbehälter ënnert dem Sireenenmast Drockloft mat ongeféier 16 [[Bar (Eenheet)|bar]] an de Kapp vun der Sireen geleet. De Rotor besteet aus enger Scheif mat Lächer an de Loftstroum gëtt periodesch duerch déi Ëffnungen an d'Hare vun der Sireen gedréckt.

De Virdeel vum pneumatesche Modell besteet engersäits dodran, datt d'Drockloft direkt zur Verfügung steet an de Behälter an der Folleg mat engem [[Kompresser]] direkt nees opgefëllt gëtt. Anerersäits huet eng pneumatesch Sireen eng vill méi grouss Leeschtung. Bei engem Modell mat enger Kapphéicht vun 20 m läit de Schalldrock um Buedem bei enger Distanz vun 20 m vun der Sireen ewech, bei ronn 130&nbsp;dB.

=== Elektronesch Sireen ===
Bei der [[Elektronik|elektronescher]] Sireen gëtt den Toun mat engem [[Haut-parleur]] an engem elektronesche [[Verstäerker]] generéiert. Mat enger Steierung kann och d'Op- an Ofschwëlle vun der mechanescher Sireen nogemaach ginn. Den haaptsächleche Virdeel vun der elektronescher Sireen ass, datt se keng beweeglech Deeler huet an se deemno manner schwéier ass. Och den Opwand vum Entretien grad wéi de [[Elektrizitéit|Stroumverbrauch]] si méi niddreg. A Kombinatioun mat engem [[Akkumulator (Elektrizitéit)|Akku]], deen entweeder mat [[Solarzell]]en oder iwwert d'[[Stroumnetz]] geluede gëtt, ass dëse Modell deels onofhängeg vum Stroumreseau.

== Gebrauch vun de Sireenen ==
D'Sireene gi gebraucht fir d'Zivilbevëlkerung am Fall vun enger [[Katastroph]] ze warnen. Zu Lëtzebuerg geschitt dat iwwert den nationale Sireenereseau (''réseau national des sirènes''). Fréier<sup>(bis wéini?)</sup> goufen d'Sireenen och agesat fir d'[[Pompjeeën]] z'alarméieren.

{{Méi Info 1|Sireenereseau zu Lëtzebuerg}}

Sireene grad wéi [[Drockloftpäif]]en oder [[Klaxon|Tute]] ginn heiansdo vu grousse Firmen agesat, fir de Schichtwiessel unzekënnegen; an deem Falls schwätzt ee vum „Bier“.

Bei Sprengungen a Wunngéigenden huerelt d'Sireen ier gesprengt gëtt, an de [[Steekaul]]e gëtt d'Signal meeschtens mam [[Juegdhar|Har]] geblosen.

A Betriber awer och a privaten Haiser oder a Gefierer gi kleng Sireenen zesumme mat [[Alarmanlag]]e agebaut fir virun [[Abroch|Abréch]] oder [[Feier]] ze warnen.

[[Ambulanz]]en an aner Gefierer vun den Hëllefsdéngschter grad ewéi déi vun der [[Police grand-ducale|Police]], der [[Administration des douanes et accises (Lëtzebuerg)|Douane]] asw. hunn eng Sireen<ref>Am Artikel 39 vum [[Code de la route (Lëtzebuerg)|Code de la route]] als ''avertisseur sonore spécial'' bezeechent</ref> fir am Fall vun engem dréngenden Asaz déi aner Automobilisten drop hinzeweisen, datt se déi Gefierer laanscht loosse mussen.

Vereenzelt haulen d'Sireene fir un e bestëmmten Datum oder Evenement z'erënneren, sou z. B. den 10. September 1974 um 30. Anniversaire vun der Befreiung nom [[Zweete Weltkrich]]<ref>{{Citation|url=https://viewer.eluxemburgensia.lu/ark:70795/97m9s3zrw/pages/3/articles/DIVL359?search=sirene|titel=T'Siréne gin den 10. September|bezochtdatum=03.04.2022|datum=03.09.1974|werk=Luxemburger Wort, 127. Jg., n° 199, S. 3|uitgever=viewer.eluxemburgensia.lu|taal=lb}}</ref>.

== Um Spaweck ==
{{Commonscat|Warning sirens|Sireen}}
* [https://web.archive.org/web/20220330045251/https://112.public.lu/fr/urgences/nucleaire/plan_dintervention/signaux.html "Les signaux d'alarme en cas d'incident ou d'accident à la centrale électronucléaire de Cattenom"].

{{Referenzen an Notten}}

[[Kategorie:Sécherheetsinstallatiounen]]