Quelltext vun der Säit Český Krumlov weisen

{{coor dms1 uewen|48|49|N|14|19|E|}}
<!--
| image_flag       = Flag of Český Krumlov.svg
| image_shield      = Cesky Krumlov CoA CZ.png
| subdivision_name2    = [[South Bohemian Region|South Bohemian]]
| subdivision_name3    = [[Český Krumlov District|Český Krumlov]]

| area_total_km2     = 22.16
| elevation_m       = 492
| population_as_of    = 2017
| population_total    = 13141
| postal_code_type    = Postal code
| postal_code       = 381 01

-->
[[File:View over Český Krumlov in 2012.JPG|thumb|Vue]]
'''Český Krumlov''' [{{IPA|ˈtʃɛskiː ˈkrumlof}}], fréieren däitschen Numm: ''Krum(m)au'', ass eng kleng Stad mat ronn 13.000 Awunner an der [[Regioun Südbéimen]] an [[Tschechien]], a Chef-lieu vum Distrikt [[Distrikt Český Krumlov|mam selwechten Numm]]. Český Krumlov läit an enger Schlauf vun der [[Vltava]] (Moldau), mat der Alstad, déi ronderëm d'mëttelalterlech [[Buerg Český Krumlov|Buerg]] an engem Hang läit.

Zanter 1992 ass s'op der [[UNESCO]]-Lëscht vun de [[Weltierwen|Weltkulturierwen]] agedroen.

De Prefix ''Český'' ("Béimesch") ass do, fir se mat [[Moravský Krumlov]] a [[Mieren|Südmieren]] auserneenzehalen.

==Geschicht== 
D'Uertschaft ass ronderëm d'Buerg entstanen, déi zanter ongeféiert 1240 do attestéiert ass, an déi hirersäits op en Handelswee zeréckgeet, deen op där Plaz iwwer eng Fuert am Floss Vltava goung.

1302 goung d'Buerg vun der Vítkovci Adelsfamill un déi vu Rosenberg (''Rožmberkové''). De [[Peter I. vu Rosenberg]] (gestuerwen 1347), war dem Kinnek [[Jang de Blannen|Jan I. vu Béimen]] (d.h. dem Jang de Blannen) säi [[Kämmerer]]. Am 15. Joerhonnert gouf Gold an der Géigend fonnt, a vill nei Leit si virun allem aus Éisträich a Bayern bäigeplënnert.

1602 huet de Peter Vok vu Rosenberg (1539–1611) Krumlov un den [[Habsburger]] Keeser [[Rudolf II. (HRR)|Rudolf II.]] verkaf, deen et seng Jong baussent dem Bestietnes Don Julius Caesar d'Austria iwwerdroen huet. No der [[Béimescher Revolt]] and der [[Schluecht vum Wäisse Bierg]] huet de Keeser [[Ferdinand II. (HRR)|Ferdinand II.]] Krumlov un d'Adelsfamill Eggenberg iwwerginn. Vu 1719 bis 1947 huet d'Schlass der Famill Schwarzenberg gehéiert.

1938 goung et, als Deel vum [[Sudetenland]] , geméiss dem [[Münchener Ofkommes]], un Nazi-Däitschland. Nom [[Zweete Weltkrich]] gouf déi däitschsproocheg Populatioun verdriwwen a Krumlov nees [[tschechoslowakei|tschechoslovakesch]]. Wärend der Zäit vum kommunistesche Regime, 1948 bis 1989, ass d'Alstad vernoléissegt ginn a lues a lues zefall.

No der [[Samette Revolutioun]] goufe grouss Renovéierungsaarbechten ausgefouert, an déi al Schéinheet nees erëmbruecht. Am August 2002 hat d'Stad staark ënner engem Héichwaasser ze leiden.

Haut ass Český Krumlov eng populär Touristendestinatioun.

Nobäi, um Bierg Kleť, steet de [[Kleť-Observatoire]].

==Kuckeswäertes==
Vill Gebailechkeeten an der Alstad an och d'Schlass sinn aus der Zäit vum 14. bis 17. Joerhonnert, deemno am [[Gotik|goteschen]], [[Renaissance]] a [[Barock]]stil.

===Schlass===
[[File:Cesky Krumlov-Asahiko2.jpg|thumb|250px|left|d'Schlass Krumlov]]
[[D'Schlass Český Krumlov]] ass aussergewéinlech grouss fir sou eng kleng Stiedchen; nom [[Hradčany]] zu Prag ass et dee gréisste Buergkomplex an Tschechien. Et setzt sech zesummen aus engem grousse [[Rokkoko Gaart]], enger mächteger Bréck, an dem Schlass selwer, dat aus verschiddene Bauperiode besteet. D'Veits-Kierch (Kostel Sv. Víta) ass eng gotesch Kierch bannent dem Schlass mat [[Freskemolerei|Fresken]] aus dem 15. Joerhonnert, déi bis haut erhale sinn.

====Buergtheater====
[[File:Ceskystage.jpg|thumb|Bün]]

Am Schlass ass och e [[barock]]en Theater, dee 1680–82 gebaut a 1765–66 moderniséiert gouf. D'Dekoren, d'Bünentechnik asw. vun deemools si bis haut erhalen.

===Schiele-Musée===
Zu Český Krumlov ass e Musée iwwer de Moler [[Egon Schiele]], deen do gelieft huet.

===Baussent der Stad===
Eng 10&nbsp;km baussent der Stad ass d'Klouschter [[Zlatá Koruna]] ("Gëlle Kroun"), ee vun den eelste Kléischter a Béimen. Op 30&nbsp;km Distanz ass d'[[Schlass Hluboka]], dat am 12. Joerhonnert gebaut, a spéiderhin nom Model vum [[Windsor Castle]] ëmgebaut gouf. Český Krumlov läit och net wäit ewech vum [[Nationalpark Sumova]] ("Béimesche Bësch")
[[File:Historic Centre of Český Krumlov-111747.jpg|thumb|Vue op Český Krumlov vum Bierg]]

==Jumelage==
*{{flagicon|AUT}} [[Vöcklabruck]]
*{{flagicon|ITA}} [[San Gimignano]]
*{{flagicon|SVN}} [[Slovenj Gradec]]
*{{flagicon|USA}} [[Miami Beach, Florida]]
*{{flagicon|GER}} [[Hauzenberg]]
*{{flagicon|GBR}} [[Llanwrtyd Wells]], [[Wales]]

== Um Spaweck==
{{Commonscat}}
*[http://www.ckrumlov.cz/uk/i_index.htm Officielle Website]
{{Autoritéitskontroll}}

{{DEFAULTSORT:Cesky Krumlov}}
[[Kategorie:Stied an Tschechien]]
[[Kategorie:Weltkulturierwen an Tschechien]]
[[Kategorie:Jihočeský kraj]]