Anna Magnani

Anna Magnani
Anna Magnani
Gebuer	7. Mäerz 1908; Roum
Gestuerwen	26. September 1973; Roum
Doudesursaach	Bauchspäicheldrüsekriibs
Nationalitéit	Italien, Kinnekräich Italien
Educatioun	Accademia nazionale d'arte drammatica
Aktivitéit	Schauspiller, Dréibuchauteur, Filmschauspiller
Famill
Bestuet mat	Goffredo Alessandrini

D'Anna Magnani, gebuer de 7. Mäerz 1908 zu Roum an och do gestuerwen de 26. September 1973, war eng italieenesch Filmschauspillerin.

D'Anna Magnani huet no engem Studium op der staatlecher Schauspillschoul an den 1930er Joren an diverse Filmer matgespillt. Bekannt gouf se awer eréischt 1941 mam Film Teresa Venerdì vum Vittorio De Sica. Den Duerchbroch zum international gefeierten neien italieenesche Star hat se 1945 am Roberto Rossellini - mat deem se och privat liéiert war - sengem Roma, città aperta. Vun do un huet se fir vill wichteg Regisseure vun den 1950er an 1960er Jore geschafft.

1955 huet si, als éischt Italieenerin, fir hir Roll vun der Serafina Delle Rose am Daniel Mann senger Verfilmung vum Tennessee Williams sengem The Rose Tatoo den Oscar als bescht Schauspillerin kritt. Zwee Joer drop krut si eng Oscar-Nominatioun fir hir Haaptroll am George Cukor sengem Wild is the Wind.

Hire leschte Film war 1972 ënner der Regie vum Federico Fellini: eng kleng Zeen a Roma. Et war dëst och en Hommage un hir Karriär; si war du scho schwéier krank.

Filmographie (Auswiel)[änneren | Quelltext änneren]

1938: Tarakanowa - Regie: Fjodor Ozep, Mario Soldati
1941: Teresa Venerdì - Regie: Vittorio De Sica
1943: Campo de' Fiori - Regie: Mario Bonnard
1943: L'avventura di Annabella - Regie: Leo Menardi
1944: Quartetto pazzo - Regie: Guido Salvini
1945: Roma città aperta - Regie: Roberto Rossellini
1945: Abbasso la miseria - Regie: Gennaro Righelli
1946: Il bandito - Regie: Alberto Lattuada
1946: Abbasso la ricchezza - Regie: Gennaro Righelli
1947: Assunta Spina - Regie: Mario Mattoli
1947: L'onorevole Angelina) - Regie: Luigi Zampa
1948: L'amore - Regie: Roberto Rossellini
1948: Molti sogni per le strade - Regie: Mario Camerini
1950: Vulcano ' - Regie: William Dieterle
1951: Bellissima - Regie: Luchino Visconti
1952: Anita Garibaldi - Regie: Francesco Rosi
1952: La carrozza d'oro - Regie: Jean Renoir
1953: Siamo donne - Regie der 5. Episode mit A.M. als Darstellerin: Luchino Visconti
1955: The Rose Tattoo - Regie: Daniel Mann
1957: Suor Letizia - Regie: Mario Camerini
1957: Wild is the Wind - Regie: George Cukor (mam Anthony Quinn)
1958: Nella città l'inferno - Regie: Renato Castellani
1960: The Fugitive Kind - Regie: Sidney Lumet (mam Marlon Brando)
1960: Risate di gioia - Regie: Mario Monicelli
1962: Mamma Roma - Regie: Pier Paolo Pasolini
1963: Le magot de Josefa - Regie: Claude Autant-Lara
1967: Made in Italy - Regie: Nanni Loy
1969: The Secret of Santa Vittoria - Regie: Stanley Kramer (mam Anthony Quinn an Hardy Krüger)
1971: L'automobile
1972: Roma - Regie: Federico Fellini (d'Anna Magnani als si selwer)

Um Spaweck[änneren | Quelltext änneren]

Commons: Anna Magnani – Biller, Videoen oder Audiodateien