Antwerpen

Antwerpen
Land	Belsch
Regioun	Flandern
Communautéit	Flämesch Communautéit
Provënz	Antwerpen
Arrondissement	Antwerpen
Telefonszon	03
Postcode	2000, 2018, 2020, 2030, 2050, 2060
Koordinaten	51° 13' 00" N 04° 24' 00" O
Fläch	20.451 ha
Bevëlkerung	482.505 (1. Januar2010)
Lag vun der Gemeng

Grouss Plaz zu Anwerpen mat der Statu vum Ris, deem seng Hand an d'Schelde geworf gouf

Antwerpen, Anvers op Franséisch, ass eng Stad an der Belsch an d'Haaptstad vun der Provënz Antwerpen. Opgrond vu senge ronn 480.000 Awunner, ass Antwerpen, no Bréissel (wann een d'Regioun kuckt), déi zweetgréisste Stad an der Belsch an déi gréisst a Flandern.

Geschicht

Et gëtt behaapt, den Numm Antwerpen kéim vum Flämeschen "hand werpen", wat bedeit d'"Hand werfen". No enger Seeche soll de Brabo dem Ris Antigoon, deen d'Schëffsleit terroriséiert a vun hinnen Taxen fir de Passage gefuerdert huet, eng Hand ofgeschnidden hunn a se an d'Schelde geworf hunn. Eng Statu op der Plaz beim Stadhaus erënnert dorun.

Antwerpen war bis zum 16. Joerhonnert eng vun de bedeitensten a räichste Stied an Europa. Dat erkläert och fir wat Antwerpen d'Stad vun der Konscht ginn ass an datt de Moler Pieter Paul Rubens an den Buchdrécker Christophe Plantin do geschafft a gelieft hunn.

Economie an Infrastrukturen

Antwerpen ass ee vun de bedeitesten Hafe vun Europa. Hie läit um Floss Schelde (fr.: Escaut). Zu Antwerpen liewen a schaffe vill Judden, déi meescht am Diamantenhandel.

Politik

Um politeschen Niveau ass Antwerpen bei de Kommunalwalen vun 2001 doduerch opgefall, datt eng rechtsextreem, separatistesch-nationalistesch Partei, de Vlaams Blok, méi wéi 30% vu de Stëmme kritt huet.

Kuckeswäertes

• Den Zoo vun Antwerpen
• Het Steen (al Buerg, haut e Schëffsmusée)
• Grote Markt (Maartplaz)
• Cogels-Osylei (Prachtstrooss)
• Gare Centraal Station
• Onze Lieve Vrouwekathedraal (Léiffrächekathedral)
• Juddequartier
• Vullemaart
• Rubenshaus (Wappervaart)
• Brabobuer
• Diamantemusée

Literatur

• Scribanii, C.: Origines Antwerpiensium
• Gens: Histoire de la ville d'Anvers
• Genard: Anvers a travers les âges

Kuckt och

• Lëscht vun de Stied a Flandern

Um Spaweck

• Offiziell Websäit vun Antwerpen
• Offiziell Websäit vum Office du Tourisme

Grouss Plaz, wou de grousse Maart ofgehal gëtt

Vue op d'Lotsenhaus

Gemenge vun der Provënz Antwerpen  

Aartselaar - Antwerpen - Arendonk - Baarle-Hertog - Balen - Beerse - Berlaar - Boechout - Bonheiden - Boom - Bornem - Borsbeek - Brasschaat - Brecht - Dessel - Duffel - Edegem - Essen - Geel - Grobbendonk - Heist-op-den-Berg - Hemiksem - Herentals - Herenthout - Herselt - Hoogstraten - Hove - Hulshout - Kalmthout - Kapellen - Kasterlee - Kontich - Laakdal - Lier - Lille - Lint - Malle - Mechelen - Meerhout - Merksplas - Mol - Mortsel - Niel - Nijlen - Olen - Oud-Turnhout - Putte - Puurs - Ranst - Ravels - Retie - Rijkevorsel - Rumst - Schelle - Schilde - Schoten - Sint-Amands - Sint-Katelijne-Waver - Stabroek - Turnhout - Vorselaar - Vosselaar - Westerlo - Wijnegem - Willebroek - Wommelgem - Wuustwezel - Zandhoven - Zoersel - Zwijndrecht

Commons: Antwerp – Biller, Videoen oder Audiodateien