Benzol

Vu Wikipedia, der fräier Enzyklopedie.
Wiesselen op: Navigatioun, sichen
Benzol
Benzol
Systemateschen Numm (IUPAC) Cyclohexa-1,3,5-trien
Trivialen Numm Benzol, Cyclohexen
Chemesch Formel C6H6
Ausgesinn duerchsiichteg Flëssegkeet
Eegeschaften
Dicht 0,9 g/cm3
Léislechkeet 0.8 g/l bei 15 °C am (am Waasser)
Molmass 78,11 g/mol
Schmëlzpunkt 5,4 °C
Kachpunkt 80 °C
Thermodynamesch Daten
Standard Formatiounsenthalpie
ΔfH0
48.7 KJ·mol−1
Standardentropie
S0
173.26 J·K−1·mol−1
Verbrennungsenthalpie
ΔcH0
–3273 KJ·mol−1
Weideres
Ähnlech Molekülen Phenol, Naphtalin
Chemesch Famill Kuelewaasserstoffer

Benzol oder Cyclohexen (fr.: benzène) ass en ongesiedegten, rankfërmege Kuelewaasserstoff mat dräi duebele Liaisounen an ass de Basisproduit vun den aromatesche Verbindungen.

Inhaltsverzeechnes

[änneren] Physikalesch Eegeschaften

Benzol ass eng flüchteg, duerchsiichteg a beweeglech Flëssegkeet mat engem aromatesche Geroch. En ass léislech am Alkohol an am Ether, mä net am Waasser a e brécht d'Liicht.

[änneren] Chemesch Eegeschaften

[änneren] Verbrennung

Benzol ass entzündlech a seng Dämp forméiere mat Sauerstoff gemëscht en explosiivt Gasgemësch.

 2\ \mathrm{C}_6\mathrm{H}_6 + 15\ \mathrm{O}_2\ \rightarrow\ 12\ \mathrm{CO}_2 + 6\ \mathrm{H}_2\mathrm{O}

[änneren] Oxydatioun

Benzol gëtt net vun de gewéinlechen Oxydanten KMnO4 oder K2Cr2O7 ugegraff. Mä mat vill Hëtzt an engem Katalysator reagéiert de Benzol mam Sauerstoff a verwandelt sech a Phenol.

 2\ \mathrm{C}_6\mathrm{H}_6 +  \mathrm{O}_2\ \rightarrow\ 2\ \mathrm{C}_6\mathrm{H}_5\mathrm{OH}

[änneren] Substitutioun

Mam Chlor forméiert Benzol eng ganz Rëtsch vu stabile, chloréierte Produiten: C6H5Cl, C6H4Cl2, C6H3Cl3, C6H2Cl4, C6HCl5, C6Cl6
Déi Reaktioune gi mat Iod katalyséiert.

[änneren] Additioun

Mat Liicht reagéiert Benzol mam Chlor a verwandelt sech an Hexachlorocyclohexan, deen awer net stabil ass. Aneschters wéi bei der Substitutioun ginn hei déi dräi duebel Liaisounen zerstéiert an all H-Atom gëtt duerch e Cl-Atom ersat.

Reaktioun mam Chlor bei der Substitution
Reaktioun mam Chlor bei der Additioun

[änneren] Hierstellung

Benzol gëtt duerch Distillatioun vum Goudron hiergestallt an aus dem Pëtrol extrahéiert. De franzéische Chemiker Marcellin Berthelot huet et fäerdegbruecht duerch d'Hëtze vun Acetylen ënner Drock a mat Hëllef vu Katalysatoren Benzol ze produzéieren.

[änneren] Uwendung

Benzol ass e Léisungsmëttel fir ganz vill chemesch Produiten wéi zum Beispill Iod, Schwiefel a Phosphor. Doniewent gëtt e nach geholl fir Kautschuk a Fetter opzeléisen. E sool a loftdicht Behältere gelagert ginn.

Commons: Benzene – Biller, Videoen oder Audiodateien

Perséinlech Tools
Nummraim

Varianten
Aktiounen
Navigatioun
Geschirkëscht
An anere Sproochen