Char-à-Bancs

Vu Wikipedia
Wiesselen op: Navigatioun, sichen
En amerikanesche Char-à-Bancs

E Char-à-Bancs ass eng véierriedereg Kutsch déi als Zweespänner oder Véierspänner ka gefuer ginn.

D'Kutsch huet eng laang Këscht op där a puer Reie Bänke stinn, an déi bal ëmmer zu de Säiten op ass. Dës Bänke stinn de queesche Wee op der Këscht, meeschten sinn et der zwou oder dräi. Zwou Reie kënnen och Réck widder Réck stoen.

Char-à-Bancs goufen haaptsächlech benotzt fir spadséieren ze fueren, oder fir op d'Juegd ze fueren.

Déi éischt Documentatioun déi ee vu Chars-à-Bancsë fënnt ass aus der Mëtt vum 18. Joerhonnert, an ass an engem Artikel vum Journal helvétique vum Dezember 1764 ze fannen.

D'Englänner hunn de Char-à-Bancs eréischt 1845 matkritt. Den éischte Char-à-Bancs deen et an England gouf, war e Cadeau deen de Louis-Philippe der Kinnigin Victoria gemaach hat. E gouf vun de Paräisser Carossieren Gauthier et Picheron gebaut, an e steet haut an der kinneklecher Residenz Hampton Court.

D'Char-à-Bancs si Kutschen déi normalerweis net vun engem Kutscher gefouert ginn, mä vum Proprietär selwer. Grouss Char-à-Bancse mat bis zu 40 Plaze goufe Pauline genannt a goufen haaptsächlech zu Paräis gebraucht fir d'Leit op d'Hippodromen ze féieren.

Omnibus.jpg Kutschemodeller Omnibus.jpg

CabrioletChar-à-BancsConcord CoachCoupé RockawayMalle-posteOmnibusPark dragRoof Seat BreakSkeleton-Tandem-CartSulkyWagonette-tonneau
Kuckt och: SchwunnenhalsgestellÀ la d'AumontFiaker