Ernierung

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

D'Ernierung (lat.: nutrire - nieren) ass d'Basis vum Liewe vun all Liewewiesen. Ënner Ernierung versteet een d'Opnam vu Liewensmëttel duerch Iessen an Drénken.

D'Iessen an d'Drénke sinn also d'Haaptbasis fir d'Iwwerliewe vum Mënsch. Awer d'Ernierung huet iwwer dëst Bedierfnes eraus och nach eng sozial a reliéis Bedeitung. An déi richteg Ernierung dréit och zur Gesondheet vum Mënsch bäi.

Ernierungsformen[änneren | Quelltext änneren]

Zivilisatiounskrankheeten, déi duerch falsch Ernierung kënnen entstoen[änneren | Quelltext änneren]

Iwwer d'Bedeitung vun der Ernierung beim Entstoe vu verschiddene Krankheeten ass nach villes ongeklärt. Datt si awer eng wichtig Roll dobäi spillt, gesäit een un der Tatsaach, datt d'Iwwerernierung eng staark erhéichte Krankheetsheefegkeet mat sech bréngt. Duerch falsch an ongesond Ernierung gëtt de Kierper souwäit gestéiert, datt d'Konzentratioun vun z. B. dem Fett am Blutt zouhëlt. Dëst kann zu Schied an Oflagerungen an den Odere féieren. Ausserdeem kënnt et bei engem Iwwerschoss un Energie zu enger verstäerkter Ausschëddung vun Insulin. Insulin erhéicht ënner anerem d'Réckresorptioun vun Natrium an der Nier a ka sou zur Blutdrocksteigerung bäidroen. Sou kann ee sech also gutt virstellen, wéi verschidde Krankheete wéi Arthrose, Diabetes, Cholesterol, oder Bluthéichdrock entstoe kënnen. Natierlech spillen d'Genen an d'Veriewung och eng Roll.

Méi einfach nozevollzéien ass d'Roll, déi toxesch Inhaltstoffer vu Liewensmëttel spillen, a wou duerch de Konsum vun dësen de Kierper Schued dovun dréit. E gutt Beispill dofir ass de Konsum vun Alkohol oder Zigaretten.

Um Spaweck[änneren | Quelltext änneren]