Ethelwulf vu Wessex
| Ethelwulf vu Wessex ëm 800 – 13. Januar 858 |
||||||
 |
||||||
|
|
||||||
|---|---|---|---|---|---|---|
|
||||||
|
Den 'Ethelwulf war den eelste Bouf vum Kinnek Egbert vu Wessex an ass ëm d'Joer 800 op d'Welt komm. Nom Doud vu sengem Papp gouf den Ethelwulf Kinnek vu Wessex am Joer 839. Hien huet sech géint déi dänesch Invasioune misse wiren, déi ëmmer méi staark gi sinn. Dobäi konnt hie bei "Acleah" (warscheinlech dat heitegt Ockley) eng Victoire dervunner droen. Den Ethelwulf huet och géint de Cyngen ap Cadell vu Wales gewonnen, zesumme mat der Hëllef vu Mercien. Nom Doud vu senger Fra mécht hie sech 855 op Pilgerfahrt op Roum, mat engem vu senge jéngste Bouwen, dem Alfred. Wéi hien 856 nees zeréckkënnt, gëtt hie vu sengem eelste Jong Ethelbald ofgesat. Hie stierft den 13. Januar 858 a gouf fir d'éischte Kéier zu Steyning begruewen ier seng Läich op Winchester transferéiert gouf.
De gëllene Rank, deen hei um Bild ze gesinn ass, ass räich dekoréiert mat reliéise Symboler an dréit d'Inscriptioun Ethelwulf Rex. De Rank gouf 1780 zu Laverstock (Wiltshire) fonnt. Et gëtt ugeholl datt dëse Rank e Geschenk un e loyalen Dénger war.
[änneren] Kuckt och
| Virgänger: Egbert |
Kinnek vu Wessex 839- 856 |
Nofolger: Ethelbald |
| Commons: Æthelwulf of Wessex – Biller, Videoen oder Audiodateien |
