Haus Pierre Gilbert

Haus Pierre Gilbert

Land	Lëtzebuerg
Koordinaten	49°36'26,388"N, 6°7'12,612"O

Haus Pierre Gilbert (2014)

D'Haus Pierre Gilbert ass en Haus an der Uewerstad vun der Stad Lëtzebuerg. Et läit um Boulevard Grande-Duchesse Charlotte.

Historesches

De modernisteschen Architekt Pierre Gilbert (1922 - 1990) huet dat Haus 1956 fir sech selwer gebaut .

Gebai

D'Haus gouf a Wierfelform am fréiere Gaart vum Nopeschhaus gebaut; déi exzentresch Dispositioun vum Cube huet et erlaabt nach e klenge Gaart nieft dem Haus unzeleeën. Den Atelier vum Architekt war um Rez-de-chaussée, iwwerdeems d'Wunnraim um éischten an d'Schlofzëmmeren um zweete Stack waren.

Déi iewescht Stäck sti liicht iwwer de Rez-de-chaussée eraus an erënnere sou un en Erker. Op all Stack sinn op der Südsäit Balcone fir vun der Sonn kënnen ze profitéieren.

De flaachen Daach ass typesch fir d'Architektur vun de 50er Joren.

D'Haus gëtt haut net méi fir Wunn- mä fir Geschäftszwecker gebraucht, den Interieur ass awer gréisstendeels nach am Originalzoustand erhale bliwwen.

Biller

• 
  Vue vun der Strooss aus
• 
  Trapenhaus
• 
  Ronn Fënstern iwwer dem Trapenhaus

Kuckt och

• Circuit architectural au centre de la ville de Luxembourg, Broschür vum Luxembourg City Tourist Office (PDF)

Um Spaweck

Commons: Haus Pierre Gilbert – Biller, Videoen oder Audiodateien