Jens Stoltenberg

Vu Wikipedia
Wiesselen op: Navigatioun, sichen
De Jens Stoltenberg,den 2. Juni 2009

De Jens Stoltenberg, gebuer de 16. Mäerz 1959 zu Oslo, ass en norwegeschen Economist a Politiker vun der sozialdemokratescher Aarbechterpartei. Vum 1. Oktober 2014 un ass hie Generalsekretär vun der NATO.

De Stoltenberg huet Economie studéiert a war eng Zäit laang Journalist. 1993 gouf hien eng éischt Kéier an de Storting (Parlament) gewielt. Hie war vun 1990-1001 Staatssekretär am Ëmweltschutzministère, 1993-1996 Wirtschafts- an Energieminister, an da bis 1997 Finanzminister.

Vum Mäerz 2000 bis 2001 war e Ministerpresident vun Norwegen. 2002 gouf e President vu senger Partei. De 17. Oktober 2005 gouf hien eng zweet Kéier Premierminister. Bei de Parlamentswalen am September 2009 gouf seng Arbeiderpartiet mat 35,4 Prozent vun de Stëmmen nees déi stäerkst Partei, an hie blouf weiderhi Premier.

Am September 2013 huet sech no de Parlamentswalen eng Koalitioun ouni d'Arbeiderparteiet gebilt, an d'Erna Solberg gouf Premièreministesch.

Den 28. Mäerz 2014 gouf de Stoltenberg zum NATO-Generalsekretär ernannt, als Nofolger vum Anders Fogh Rasmussen. Hien trëtt säin Amt den 1. Oktober 2014 un.

Commons: Jens Stoltenberg – Biller, Videoen oder Audiodateien