Jonk Fuerscher Lëtzebuerg
Vu Wikipedia, der fräier Enzyklopedie.
Jonk Fuerscher Lëtzebuerg, och nach Association Jeunes scientifiques Luxembourg genannt, gekierzt AJSL, ass e Veräi mat Sëtz am Lycée technique des arts et métiers an der Stad Lëtzebuerg, deen den 1. September 1977 gegrënnt gouf.[1] De Veräi riicht sech am Prinzip u Jonker bis 21 Joer, déi sech fir Wëssenschaft a Fuerschung interesséieren. Erwuessener kënnen och Member ginn. D'Aktivitéite vum Veräi gi vum Fuerschungsministär a vum Nationale Fuerschungsfong ënnerstëtzt.
Inhaltsverzeechnes |
[änneren] Ziler vun der AJSL
- d'Fërdere vun Aktivitéiten um nationale Plang am Beräich Wëssenschaftserzéiung baussent de Schoulzäiten;
- d'Organisatioun vu Concourse fir jonk Fuerscher;
- d'Zesummenaarbecht mat aneren Organisatiounen um nationalen an um internationale Plang, déi an ähnleche Beräicher aktiv sinn.
[änneren] Facilitéiten an Aktivitéiten
- Kontakter mat Spezialisten;
- Virschléi fir ze fuerschen;
- d'Matmaache bei international Concoursen;
- Stagen am Ausland;
- interessant Visiten, Ausstellungen a Konferenzen.
[änneren] Concoursen a Präiser
- D'AJSL organiséiert de Concours Jeunes scientifiques Luxembourg;
- D'AJSL organiséiert de Concours Mini-Fuerscher, dee sech u jonk Wëssenschaftler aus de Primärschoule riicht;
[änneren] Kooperatiounen
- Fondation Jeunes scientifiques Luxembourg
- Science Club Lëtzebuerg, eng Initiativ vum Naturmusée an Zesummenaarbecht mat der Uni Lëtzebuerg, mat PInS asbl a mat de Jonk Fuerscher Lëtzebuerg;
- ProScience, e Groupement bei deem d'AJSL Partner ass.
[änneren] Um Spaweck
[änneren] Referenzen
- ↑ Cf. d'Statuten am Mémorial Nr. 31: 1465, 24. Februar 1978; d'Refonte aus dem joer 2005 (Mémorial Nr. 1028: 49312-49314, 12. Oktober 2005).
