Kazen

Kazen (Felidae) sinn eng Famill aus der Uerdnung vun de Raubdéieren (Carnivora) aus der Klass vun de Mamendéieren (Mammalia).

Evolutioun

Viru 70 Millioune Joer sinn e puer Gruppe vu Carnivoren, kleng, wiselähnlech Déieren enstanen. Virun ongeféier 50 Millioune Joer ass aus enger vun hinnen d'Gattung Miacis entstanen, déi d'Virfahre vun den haitege Raubdéieren, also och de Kazen, waren.

Anatomie

Kazen hunn e muskuléise Kierper, dee si séier a kraftvoll bewege kënnen. Di meescht Kaze liewen a Bëscher, wou si duerch hir kräfteg viischt Been a scharf Krallen op d'Beem klamme kënnen. Si hu kräfteg hënnescht Been mat dene si wäit an héich sprange kënnen.

Hiren Ënnerkifer kënne si just op an of bewegen a si hu laang a spatz Eckzänn an eng rau Zong.

Systematik

Et ginn ongeféier 38 Kazenarten déi an 3 Ënnerfamilljen opgedeelt sinn:

• Ënnerfamill: Felis oder Klengkazen
  • Gattung Kaz (Felis) mat der Hauskaz
  • Gattung Otocolobus
  • Gattung Catopuma
  • Gattung Profelis
  • Gattung Luchsen (Lynx)
  • Gattung Prionailurus
  • Gattung Caracal
  • Gattung Oncifelis
  • Gattung Herpailurus
  • Gattung Leptailurus
  • Gattung Orealiurus
  • Gattung Leopardus
  • Gattung Puma
• Ënnerfamill: Pantherinae oder Grousskazen
  • Gattung Neofelis
  • Gattung Panthera mam Léiw, Jaguar, Tiger
  • Gattung Pardofelis
  • Gattung Uncia
• Ënnerfamill: Acinonychinae
  • Gattung Acinonyx mam Gepard

Commons: Felidae – Biller, Videoen oder Audiodateien