Klouschter

Vu Wikipedia
Wiesselen op: Navigatioun, sichen

E Klouschter ass eng gemeinsam Wunneng vun Uerdensleit, Männer oder Fraen. D'Wuert "Klouschter" kennt vum lat.: claustrum an heescht zougespaarten Uert (vgl. och: Klausur oder Klauschter).

E Klouschter läit normalerweis baussent den Uertschaften oder op d'mannst ofgetrennt vun der Welt. Déi Leit, déi an engem Klouschter liewen, gi Pateren oder Bridder, bzw. Nonnen oder Schwëstere genannt. Eng besonnesch Form vu Klouschter ass eng Abtei.

Am Mëttelalter hate Kléischter normalerweis och eng eege Kierch, e Kräizgank, Wunn- a Schlofzëmmeren, besonnesch Zëmmere fir Gäscht an Aarbechtsgebaier. Dacks huet och eng Schoul zum Klouschter gehéiert.

Vill Kléischter waren a sinn nach ëmmer en Zentrum fir Kultur, Wëssenschaften, Konscht, Baurewiesen oder Gesondheetswiesen.

Commons: Kléischter – Biller, Videoen oder Audiodateien