Abtei

Vu Wikipedia
Wiesselen op: Navigatioun, sichen

Eng Abtei ass e chrëschtlecht Klouschter (also Gebailechkeeten an dem d'Membere vun engem reliéisen Uerde liewen) dat vun engem Abt oder enger Äbtissin geleet gëtt. Nëmmen e puer Uerde kënnen Abteien hunn: Benediktiner, Zisterzienser an Trappisten, Regularkanoniker (Prämonstratenser, Chanoines Augustins); bei all deenen aneren Uerden (z. B. Franziskaner) schwätzt e just vu Klouschter. E Klouschter vun de genannten Uerde gëtt Abtei duerch d'Awëllegung vum Poopst, wa verschidde Konditiounen erfëllt sinn (der Regel vum Hl. Benedikt no mussen z. B. 13 Persounen do liewen).

schematesche Plang vun enger Abtei

Wat d'Architektur vun enger Abtei ugeet solle (waméiglech) verschidden Oploe respektéiert ginn. Sou sollen déi wichtegst Raimlechkeeten (d. h. d'Kierch, de Kapitelsall an de Refektoir) vum Kräizgang aus erreechbar sinn. Déi Plaze wéi Atelieren oder Ställ (um Schema "Wirtschaftsgebaier"), wou eventuell méi Kaméidi ass, sollen e bëssi méi wäit ewech sinn. D'Gebaier ronderem de Kräizgang (ausser der Kierch) hu méi Stäck, do sinn dann ë. a. d'Bibliothéik an d'Zelle (Zëmmere) vun de Bewunner.

Vill Kléischter (ouni Abtei ze sinn, kënnen ze ginn) follechen och dësem Bauschema.

Literatur[änneren | Quelltext änneren]

  • Georg Schwaiger (Hrsg.), Mönchtum, Orden, Klöster - Von den Anfängen bis zur Gegenwart - Ein Lexikon ; München (Verlag C.H. Beck; becksche Reihe 1554), 2003 (éischt Oplo, a gebonnener Form = 1993); 484 Säiten; ISBN 3-406-49483-8

Um Spaweck[änneren | Quelltext änneren]

Commons: Abteien – Biller, Videoen oder Audiodateien