Chrëschtentum

Dësen Artikel iwwer de Chrëschtentum ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

D'Chrëschtentum ass eng Relioun déi virun ongeféier 2000 Joer am réimesch besatene Palestina entstanen ass, an aus dem deemools do presente Juddentum ervirgaangen ass. Seng Unhänger beruffe sech op de Jesus vun Nazaret, deen ëm d'Joer 30 als Wanderpriedeger am deemolege Palestina opgetrueden ass a sech selwer zum jiddesche Glawe bekannt huet, an dee kengesfalls virhat eng aner Relioun ze grënnen, wat sech dunn awer spéider anescht eraus kristalliséiere sollt. Esou kënnt et datt d'Chrëschtentum eng monotheistesch a gestëft Relioun ass. De Begrëff Chrëschtentum gëtt eng éischte Kéier an engem Bréif vum syresche Bëschof Ignatius vun Antiochien († ca. 107-110) ernimmt. Et kënnt dohier datt d'Unhänger vum Chrëschtentum Chrëschte genannt goufen, a sech spéider och selwer esou genannt hunn, wëll si am Jesus dee vum Juddentum erwaarte Messias (op Griichesch christos - de Gesaleften) an de Jong vu Gott gesinn hunn .

Konfessiounen

D'Chrëschtentum huet sech esouwuel ënnert Unhänger vum Juddentum (d'Judde selwer ((Messianesch Judden)) awer och zum Juddentum konvertéiert Leit aus anere Vëlker, déi sougenannt Gottesfürchteg) ewéi och ënnert Unhänger vun der réimescher Relioun verbreet. Trotz der Ënnerdréckung duerch de réimesche Staat huet et sech organiséiert a méi a méi Unhänger kritt. 313 gouf et am Edikt vu Mailand vum réimesche Staat unerkannt an toleréiert a schliisslech 380 zur Staatsrelioun gemaach. Mat enger ëmmer méi grousser Unhängerschaft koum et och ëmmer erëm zu Streidereien an Ofsplécke vu verschiddene Gruppen. Vill vun deene Gruppe sinn nees verschwonnen, anerer hu sech zu Konfessiounen entwéckelt, déi et haut nach ginn.

• 1054 trenne sech d'Ost- an d'Westkierch, déi orthodox Kierch am Osten an déi kathoulesch Kierch am Westen (Schisma).
• 1457 huet sech an Béimen d'Unitas fratrum (ltz. Bridder Unitéit) gebild, no hierer Verdreiwung duercht kathoulesch Kierch, hun sie sech 1722 ënnert dem Nikolaus Ludwig Grof vun Zinzendorf zu Sachsen neigrënnt an sin haut och ënnert dem Numm Herrnhuter Brüdergemeine bekannt. Hiren éischten Bëschof war den bekannten Schoulpädagog Johann Amos Comenius. Sie brengen all Joers, an Zesummaarbecht mat denen aneren chrëschtlechen Kierchen, d'Lousungsbiicher an iwwer 50 Sproochen eraus an sin och wéinst den Herrnhuter Stären weltweit bekannt.
• 1517 versichen den däitschen Martin Luther an seng Unhänger d'kathoulesch Kierch zu reforméieren an trennen sech leschtenenns vun der Mammekierch. Si bilden haut déi evangelesch Konfessioun. Zu där Zäit trenne sech och nach aner Gruppen of, wéi déi Schwäizer ëm den Johannes Calvin an den Ulrich Zwingli. Zesumme mat den aneren evangelesche Konfessioun bilde sie de Protestantismus an doweisnt nennt kathoulesch Kierch sie Protestantesch Kierch.
• 1534 trennt sech an England ënnert dem Henry VIII. déi spéider Anglikanesch Kierch vun der kathoulescher.
• Am 19. Joerhonnert, awer och schonns virdrun, entsti vill nei Konfessiounen weltweit; z.B. Baptisten, Mennoniten, Pfingsler, Pietisten, etc.
• 1870 trenne sech d'Alkatholike vun der kathoulescher Kierch well si d'Beschlëss vum Éischte vatikanesche Konzil net unhuelen.
• Haut maachen sech och ëmmer méi Sekten, mat zousätzlechen Schrëften niewen der Bibel, breed; z.B.: Zeugen Jehovas, Mormonen, Scientology, etc.

Dëst Kapitel muss iwwerschaft ginn. Dat kann dru leien, datt Schreif- oder Tippfeeler dran ze fanne sinn, oder datt den Inhalt net ganz korrekt ass oder net explizit genuch ass, sou wéi en den Ament do steet.

Mat ongeféier 2 Milliarden Unhänger ass d'Chrëschtentum haut déi gréisst Relioun op der Äerd. Mat iwwer 80 % a mindestens 100 Millioune verfollegte Leit an iwwer 50 Länner as d'Chrëschtentum déi am meeschten verfollegt Relioun.

Commons: Chrëschtentum – Biller, Videoen oder Audiodateien