Liturgiereform
Vu Wikipedia, der fräier Enzyklopedie.
Liturgiereform bezeechent am éischte Sënn eng Ofännerung vun enger Liturgie. Ouni weideren Zousaatz bedeit et awer hautdesdaags meeschtens déi Reformen an Liturgie vun der réimesch-kathoulescher Kierch déi nom 2. Vatikanesche Konzil (1962-1965) duerchgefouert goufen.
Dëst Konzil huet a senger Konstitutioun Sacrosanctum Concilium déi grouss Linne vun der Reform ugekënnegt. Eng Rei Instruktiounen aus de folgende Joren huet déi konkret Aspekter behandelt. Beispiller vu Changementer:
- D'Mass muss net méi op latengesch gehale ginn, mä och an der Landessprooch, dëst soll e bessert Versteestemech duerch d'Leit mat sech bréngen.
- Aféiere vun engem Volleksaltor, esou dat de Paschtouer de Leit bei der Eucharistiefeier net méi de Réck dréint, mä op si kuckt. Domat waren d'Héichaltär net méi néideg a goufen entweder hannen am Chouer stoe gelooss (dacks wéinst dem konschthistoresche Wäert) oder goufe beim Ëmbau (deen duerch d'Reform op ville Plazen noutwenneg gouf) eliminéiert.
- Och d'Kommiounsbänken, déi de Chouer vun de Leit getrennt hunn, konnten eliminéiert ginn.
- Ofschafe vun der glächzäitege Feieren vun méi Massen an enger Kierch, dofir Aféiere vun der Konzelebratioun (méi Priistere feieren eng Mass un engem Altor zesummen, woubäi ee presidéiert).
- Den Oflaf vun der Mass gouf vereinfacht an verschidden ursprénglech Riten goufen nees agefouert oder openeits verdäitlecht.
- Reform vum Kierchejoer.
Literatur [änneren]
- Editions du Centurion (1967) Nouvelles Instructions pour la Réforme Liturgique
- Joseph Ratzinger, Der Geist der Liturgie. Eine Einführung. Herder, Freiburg i. Br. 2000
