Louis Rech
| Louis Rech | |
|---|---|
| Gebuertsnumm | Luigi Rech |
| Gebuer | 7. Dezember 1926 |
| Gestuerwen |
6. Januar 2012 Diddeleng |
| Nationalitéit | Lëtzebuerg |
| Aktivitéit | Politiker, Gewerkschaftler |
| Partei | LSAP |
 | |
De Louis Rech, gebuer de 7. Dezember 1926 als Luigi Rech[1] zu Faller an der Gemeng Sovramonte (Regioun Venetien) an Italien, a gestuerwen de 6. Januar 2012[2], war e Gewerkschaftler a Politiker (LSAP).
Hie koum mat engem Joer mat sengen Elteren op Diddeleng, wou säi Papp op der Schmelz geschafft huet, an ass do am Quartier Italien opgewuess.[3]
1958 krut hien duerch Naturalisatioun d'Lëtzebuerger Nationalitéit.[4]
De Louis Rech war President der Diddelenger OGBL-Sektioun a Vizepresident am nationale Comité vun där Gewerkschaft. Als Member vun der LSAP war hie vun 1973 un eng 20 Joer am Diddelenger Schäfferot an do vun 1985 bis 1993 Buergermeeschter.[5]
De Rech ass dem Museker John Rech säi Grousspapp. Säi Jong Romy Rech ass och am Diddelenger Gemengerot[5].
Referenzen
[Quelltext änneren]- ↑ Omaggio a Luigi Rech. passaparola.info, Januar 2012; Archivéiert.
- ↑ "De fréieren Diddelenger Buergermeeschter Louis Rech ass dout." RTL.lu - 07.01.2012, 16:03 - Fir d'lescht aktualiséiert: 07.01.2012, 18:11
- ↑ Kollwelter, Serge: "M. Louis Rech: 1er bourgmestre italien." Forum Nr 82, Oktober 1985, S. 12-13.
- ↑ legilux Archivéiert de(n) 04.03.2016. Gekuckt de(n) 07.01.2012.
- ↑ 5,0 5,1 Louis Rech verstorben Tageblatt, 8. Januar 2012.