Montserrat Caballé

Vu Wikipedia
Wiesselen op: Navigatioun, sichen
D'Montserrat Caballé

D'Maria de Montserrat Viviana Concepción Caballé i Folc, gebuer den 12. Abrëll 1933 zu Barcelona, ass eng spuenesch Operesängerin an der Stëmmlag Sopran. Si gëllt als eeng vun de bedeitendsten Operesängerinne vum 20. Joerhonnert.

Liewen[änneren | Quelltext änneren]

D'Montserrat Caballé huet zu Barcelona Mailand Gesang studéiert an hat 1956 hiren éischten Optrëtt zu Basel als Mimi am Puccini senger La Bohème. Ausserdeem war si beim Saarbrécker Theater engagéiert, a vun 1959 bis 1962 beim Theater der Freien Hansestadt Bremen. 1965 huet si d'Marilyn Horne am Donizetti senger Oper Lucrezia Borgia an der Carnegie Hall ersat an de Public begeeschtert. Dat selwecht Joer hat si hiren Debut an der Metropolitan Opera zu New York als Marguerite am Charles Gounod sengem Faust, wouduerch se international bekannt gouf.

D'Caballé ass dacks Invité op Festivallen (ë. a. zu Glyndebourne) an zanter 1971 och regelméisseg an der Hamburgische Staatsoper opgetrueden. Si trëtt och dacks als Concerntssängerin op.

Si huet e grousse Repertoire; Schwéierpunkter sinn d'Opere vum Rossini, Donizetti a Bellini, ma och vum Verdi a vum Puccini.

Mam Song Barcelona dee bei der Ouvertures-Zeremonie fir d'Olympesch Spiller 1992 an där Stad zesumme mam Freddie Mercury gesongen huet - d'Lidd war schonn 1987 um Album Barcelona publizéiert ginn -, gouf se och engem grousse Public bekannt.

Repertoire[änneren | Quelltext änneren]

De Lavirgen an d'Caballé an Turandot (1980)

Um Spaweck[änneren | Quelltext änneren]

Commons: Montserrat Caballé – Biller, Videoen oder Audiodateien