Barcelona

Barcelona

Vue iwwer Barcelona

Land

Spuenien

Autonom
Gemeinschaft :

Katalonien

Provënz :

Barcelona

Fläch :

100,40 km²

Awunner :

1.595.110 Aw. (INE 2007)

Koordinaten :

41° 24' 00" N
02° 10' 00" O

Lag vu Barcelona a Spuenien

Uertschaften - Autonom Gemeinschaften - Provënzen

Barcelona am Joer 1929

De Museu d'Art de Catalyuna

Barcelona ass d'Haaptstad vun der spuenescher Provënz Barcelona a vun der autonomer Regioun Katalonien.

[änneren] Geographie

Barcelona läit um Mëttelmier am Nordoste vu Spuenien, ongeféier 160 km südlech vun de Pyrenäen an der Grenz mat Frankräich. Et ass déi zweetgréisste Stad a Spuenien an déi gréissten a Katalonien. Mat de Viruerter liewen do ronn 3 Mio. Leit.

[änneren] Distrikter

D'Distrikter vu Barcelona

Barcelona ass an 10 Distrikter agedeelt:

[änneren] Klima

Barcelona huet e Mëttelmierklima. An alle Joreszäite sinn d'Temperaturen agreabel mat meeschtens sonnegen Deeg. Den August ass de wäermste Mount mat ëm déi 30 Grad, tëscht dem November an dem Februar leien d'Temperaturen am Duerchschnëtt bei 12 Grad.

[änneren] Geschicht

D'Geschicht vu Barcelona huet virun 2000 Joer mat der iberescher Uertschaft Barkeno ugefaangen. Déi Uertschaft louch op engem Küstenofschnëtt tëscht dem Collserola-Kamm an dem Mëttelmier um Wee vun Zentraleuropa bis op d'Iberesch Hallefinsel.

[änneren] Kultur a Kuckeswäertes

Barcelona huet eng laang Geschicht, an et fënnt ee vill Bauwierker aus der Romanik, Gotik, Renaissance oder esouguer nach méi al Epochen. Ëm d'Joerhonnertwenn war Barcelona en Zentrum vum modernistesche Stil, an et war haaptsächlech den Antoni Gaudí, deen zesumme mat aneren, der Stad en neit Gesicht ginn huet. Di bekannteste Gebaier sinn d'Sagrada Familia, d'Casa Milà, de Park Güell oder nach d'Casa Batlló.Kuckeswäert ass och dat typescht Spuenescht Duerf, dat zu Barcelona nogebaut gouf.

[änneren] Muséeën

Déi grouss Auswiel vu Musséeën zu Barcelona bitt Informatiounen vun zäitgenëssescher Konscht bis hinn zu romanesche Fresken.

1985 hunn d'Renovatiounsaarbechten un alle städtesche Muséeën ugefangen an déi meescht si mëttlerweil erëm fir déi Interesséiert op. Déi wichtegst Musséeë sinn:

de Museu Frederic Marès mat enger bedeitender Skulpturesammlung vu Spuenien
de Museu Picasso, dee meescht besichtene Musée mat Wierker vum moderne Kënschtler aus senger Ufängerzäit
d' Fundació Joan Miró, vum Miró selwer gegrënnt, fënnt een hei Wierker vun him, vu sengen éischten Zeechnungen am Joer 1901 bis zu senge leschte Monumentalbiller
de Museu d'Art de Catalyna, mat weltwäit eenzegartege romanesche Konschtwierker
de Centre de Cultura Contemporània, den Zentrum fir zäitgenëssesch Konscht
de Museu d'Història de la Ciutat, de Stadmusée an de Katakomben mat katalanescher Geschicht
de Museu Castell de Montjuïc & Museu Militar, eng fréier Festungsanlag mat enger Ausstellung vu Waffen an Uniformen, a vun deem aus, een eng Vue iwwer ganz Barcelona huet.