Nobelpräis

Den Alfred Nobel

Den Nobelpräis ass eng Auszeechnung déi vum schwedeschen Erfinder an Industriellen Alfred Nobel gestëfft ginn ass, an zënter 1901 all Joer vergi gëtt.

A sengem Testament vun 1895 huet hie festgeluecht dat mat sengem Verméigen eng Stëftung sollt gegrënnt ginn, där hir Zënsen als Präis deene sollt zougedeelt ginn, déi am vergaangene Joer der Menschheet dee gréissten Notze bruecht hunn. D'Geld sollt zu fënnef gläichen Deeler op d'Gebidder Physik, Chimie, Physiologie oder Medezin, Literatur a fir Beméiungen fir de Fridden verdeelt ginn.

D'Nobelstëftung gouf den 29. Juni 1900 gegrënnt, véier Joer nom Doud vum Alfred Nobel an di éischt Präisser sinn 1901 verdeelt ginn. De Nobelpräis gëllt haut als di héichsten Auszeechnung an deene berücksichtegten Disziplinen. D'Gewënner vum Nobelpräis ginn am Oktober proklaméiert a kréien hire Präis den 10. Dezember, dem Doudesdag vum Alfred Nobel, iwwerreecht. De Friddensnobelpräis gëtt zu Oslo iwwerreecht, all aner Präisser vum schwedesche Kinnek zu Stockholm.

Als Erënnerung un den Alfred Nobel huet déi Schwedesch Räichsbank 1968 fir hiren 300-jäerege Jubiläum e Präis an der Economie gestëfft. Dëse Präis gouf 1969 fir d'éischte Kéier verginn. E gëtt ëmmer zesumme mat de Nobelpräisser verginn, ass genee sou héich dotéiert an d'Präisdréier ginn no deeneselwechte Critèren erausgesicht. Doduerch gëtt en oft als Nobelpräis fir Economie bezeechent an als solchen empfonnt, obwuel dat ëmstridden ass.

Kuckt och

• Friddensnobelpräis
• Lëscht Nobelpräis Chimie
• Lëscht Nobelpräis Fridden
• Lëscht Nobelpräis Literatur
• Lëscht Nobelpräis Medezin
• Lëscht Nobelpräis Physik
• Lëscht Nobelpräis Economie

Um Spaweck

Commons: Nobelpräis – Biller, Videoen oder Audiodateien

• (en) Offiziellen Nobelpräis-Site
• Nobelmuseum Stockholm
• Lëscht vun allen Nobelpräisdréierinnen
• Jährliche Nobelpräisdréiertagung op der Insel Lindau am Bodensee
• Entstéiungsgeschicht vum Nobelpräis erstallt un der Ernst Moritz Arndt Universitéit Greifswald