Orbiting Solar Observatory

Vu Wikipedia
Wiesselen op: Navigatioun, sichen
OSO 8 start mat der 112. Deltarakéit den 21. Juni 1975 zu Cape Canaveral

Orbiting Solar Observatory (OSO) war d'Bezeechnung vun enger Serie vu néng Satellitte vun der NASA fir d'Erfuerschung vun der Sonn. Tëscht 1962 an 1975 goufen aacht erfollegräich Starte mat Delta-Rakéite gemaach. Hir Startmass a wëssenschaftlech Instrumenter hu mat der Aféierung vun ëmmer méi staarken Deltarakéite zougeholl. Hir primär Aufgab war d'Observatioun vun der Sonn iwwer e ganzt Sonnefleckenzyklus vun ronn 11 Joer Dauer am UV- a Röntgenliicht ewech.

Opbau vun OSO 1 bis 6 an C[änneren | Quelltext änneren]

Den OSO-4-Satellit

D'Satellitten OSO 1 bis 6 (de feelgeschloene Satellit krut de Buschtaf aus der Projetsphas) haten deeselwechten Opbau a bestoungen aus engem flaachen, aachteckege Prisma mat dräi ëm jee 120° zouenee versate Been. Un hirem Enn war jee e kugelfërmege Drockgastank mat klengen Düse fir d'Kontroll vum Haaptkierperdrall. De ganzen Haaptkierper, mat den Ausleeër, huet fir d'Stabilisatioun ëm seng Längsachs rotéiert. Op der ieweschter Säit vum Zylinder war en hallefkreesfërmegt Schëld iwwer déi ganz Breet. Dat Schëld huet net matrotéiert a war ëmmer op d'Sonn ausgeriicht. Do waren och d'Solarzellen an d'Instrumenter festgemaach.

Opbau vun OSO 7[änneren | Quelltext änneren]

OSO-7

OSO 7 war e verbessert Modell, dat de grondsätzlechen Opbau vun de fréiere OSO-Satellitten bäibehalen hat, awer däitlech méi grouss war, sou datt méi Experimenter ënnerbruecht konnte ginn. Als eenzege Satellit vun der OSO-Rei hat hat hie keng Ausleeër fir d'Spinkontroll.

Opbau vun OSO 8[änneren | Quelltext änneren]

Zeechnung vun OSO 8 an der Äerdëmlafbunn

Den OSO 8 gouf mat enger méi staarker Delta-Rakéit (Delta 1910) gestart wéi d'Virgängersatellitten. Dës Rakéitenversioun hat ausserdeem däitlech méi Plaz fir d'Notzlaascht. OSO 8 war dofir net nëmme méi schwéier, mä och méi grouss wéi seng Virgänger.

Resultater[änneren | Quelltext änneren]

D'OSO-Satellitten entdeckten ë. a. d'koronal Lächer vun der Sonn, déi besonnesch staark Quelle vum Sonnewand sinn. Während sech d'Satellitten iwwer der Nuechtsäit vun der Äerd waren, goufe si fir Observatioune vu Galaxien an Duebelstären agesat.

Kuckt och[änneren | Quelltext änneren]

Saturn 01.svg Portal Astronomie

Literatur[änneren | Quelltext änneren]

Um Spaweck[änneren | Quelltext änneren]