Otto Komp
| Otto Komp | |
|---|---|
| Gebuer |
30. September 1891 Uckerath |
| Gestuerwen |
14. Januar 1962 Hennef |
| Nationalitéit | Däitschland |
| Aktivitéit | Fonctionnaire, Buergermeeschter |
| Partei | NSDAP |
| Member vun | NSDAP |
 | |
Den Otto Komp, gebuer den 30. September 1891 zu Uckerath, haut en Uertsdeel vun der Stad Hennef, a gestuerwen de 14. Januar 1962 zu Hennef, war en däitsche Beamten, deen am Zweete Weltkrich Amtsbuergermeeschter vun Esch-Uelzecht war.[1]
Den Otto Komp huet no sengem Abitur ënner anerem zu Dortmund an zu Krefeld an der Verwaltung geschafft.[1] 1922 kommissaresch an 1923 definitiv, huet hien am Krees Moers de Buergermeeschterposte vun zwou Gemengen iwwerholl, déi hien a Personalunioun administréiert huet, an zwar d'Amt Rheurdt[2] an d'Amt Schaephuysen.[3][4],[5]
Am Oktober 1933 ass de Komp kommissaresche Buergermeeschter vu Bendorf (bei Koblenz) ginn.[6]
Den 18. Abrëll 1941 ass den Otto Komp kommissaresche Buergermeeschter vun der Stad Esch-Uelzecht genannt ginn.[1] Hien huet domat de Jules Heisten, deen zënter dem Juli 1940 Buergermeeschter vun Esch war, ersat.
Am Mäerz 1942 an dono nach eng Kéier e puer Méint méi spéit, am September, huet de Komp gefrot, fir aus Gesondheetsgrënn op sengem Escher Posten ofgeléist ze ginn.[1] Seng Demande gouf schliisslech ugeholl, an de 25. November 1942 huet de Komp fir d'leschte Kéier eng Sëtzung vum Escher Stadrot presidéiert.[7]
Vum 1. Dezember 1942 un huet säin 1. Bäigeuerdenten, den Dr. Theodor Feldhege, den Interim als Buergermeeschter vun Esch assuréiert.[1]
Den Otto Komp sengersäits ass zeréck op säi fréiere Posten als Buergermeeschter vu Bendorf a. Rhein gaangen.[7] De Komp, deen zënter 1933 Member vun der NSDAP war[1], ass nom Krich an no Entnazifizéierung vun 1950 bis 1952 kommissareschen Amtsdirekter zu Oberpleis gewiescht[8]
Literatur[änneren | Quelltext änneren]
- Mäschig, T., 2012. Otto Komp – ein Überblick über seine Tätigkeit als Bürgermeister von Rheurdt und Schaephuysen von 1923 bis 1933. Geldrischer Heimatkalender 2012. S. 267-276 (hrsg. vom Historischen Verein für Geldern und Umgebung).
- Massard, J.A., 2018. Esch: Als die Hakenkreuz-Fahne auf dem Rathaus wehte (II). Nazis auf dem Bürgermeisterstuhl. Tageblatt, 3. Dezember 2018, Nr. 281: 4-5.
- Massard, J.A., 2018. Als die Hakenkreuz-Fahne auf dem Escher Rathaus wehte. Erweiterte Online-Version einer im Tageblatt publizierten dreiteiligen Artikel-Serie (November – Dezember 2018).
- Courtoy, J., 2018. Die Eingemeindung Schifflingens an Esch/Alzette. Ein Rekonstruktionsversuch, Schifflingen, S. 8f. ISBN 978-2-9199539-0-5.
Referenzen[Quelltext änneren]
- ↑ 1,0 1,1 1,2 1,3 1,4 1,5 Massard 2018.
- ↑ Amt Rheurdt.
- ↑ Amt Schaephuysen.
- ↑ Einführung des neuen Bürgermeisters von Esch. Escher Tageblatt 1941-04-23, S. 3.[1]
- ↑ Mäschig 2012.
- ↑ Aus der Schulchronik von Bendorf – Mülhofen von 1875 – 1950. Gesellschaft für Geschichte und Heimatkunde von Bendorf und Umgebung e.V.[2]
Mäschig 2012; Massard 2018. - ↑ 7,0 7,1 Luxemburger Wort 1942-11-26, S. 4 (Ratsherrensitzung in Esch-Alzig). [3]
- ↑ Bürgermeisterei Oberpleis.