Sender vun Diddeleng

Sender vun Diddeleng

De Sender vu Diddeleng um Ginzebierg ass eng Anlag vun RTL fir Radios- an Televisiounssendungen. E war fréier, éier et Satellite gouf, och fir Transmissioune vun europawäite Sendungen eng Relaisstatioun fir d'Eurovision.

Vun do gi Sendungen a folgende Beräicher verbreet :

• Televisoun
  • 1 Sender VHF vun 100 kW PAR
  • 3 Senderen UHF vun 200kW bis 1000 kW PAR
• Radio-UKW
  • 3 Sendere vun 100 kW PAR

Geographesch Koordinaten: 49° 27’ 48’’ N 06° 05’ 41’’ O

D'Anlag besteet aus engem administrativen an technesche Gebai, Wunnenge fir d'Techniker, an engem Sendetuerm dernieft, a si stinn op engem klenge Plateau um Ginzebierg, eng vun den héchste Koppen ëm Diddeleng op enger Héicht vu 417, 5 m iwwer NN.

De Sendetuerm besteet aus engem Gittermast an enger Antenn, déi zesummen 299 m héich sinn.

En ass an den 1960er Joren opgeriicht gi fir eng méi kleng Anlag ze ersetzen. Am Ufank war e méi héich, mee no engem Accident, den 31. Juli 1981, wou ee belsche Militärfliger dragerannt war, a bei deem ausser dem Pilot vum Fliger ee Mataarbechter vun RTL mat senger Fra ëm d'Liewe koumen, gouf de Gittermast op d'Héicht vun 285 m nei opgeriicht. Bei där Fléckerei ass och déi iewescht Antenn e bësselchen ausser Senkel geroden.

Linken

Kuckt och

• Sender vu Jonglënster

Um Spaweck

• De Sender op der Skysrapersäit
• http://pagesperso-orange.fr/tvignaud/galerie/etranger/lu-dudelange.htm
• Säit iwwer de Sender op Structurae

Radios- an Televisiounssenderen zu Lëtzebuerg

Sender vu Beidler - Sender vun Diddeleng - Sender vun Housen - Sender vu Jonglënster - Nuetsantenn vu Maarnech - Nuetsreflekter vu Maarnech - Dagsender vu Maarnech