Shapley-Sawyer-Konzentratiounsklass

Vu Wikipedia
Wiesselen op: Navigatioun, sichen

D'Shapley-Sawyer-Konzentratiounsklasse formen e qualitatiivt Klassifizéierungssystem, mat deem den Harlow Shapley a seng Doktorandin Helen Sawyer Hogg zanter 1927 Kugelstärekéip op fotografesche Biller no hirer visueller Konzentratioun zesummegestallt hunn.

D'Skala reecht vun 1 bis 12, woubäi réimesch Zuele gebraucht ginn. Déi am stäerkste konzentréiert Kéip ginn der Klass I zougeschriwwen, wéi beispillsweis M75. Mat ofhuelender Konzentratioun hëllt d'Klassennummer zou a reecht bis zu der Klass XII, wéi beispillsweis beim NGC 4372. D'Klassegrenze goufe vum Shapley a Sawyer Hogg sou definéiert, datt déi 12 Klassen all Kéier ongeféier déiselwecht Zuel vun de 95 Kugelstärekéip ëmfaasst hunn, déi 1927 bekannt waren. Den hellste Koup um Nordhimmel, de Messier 13, gehéiert zur der Klass V.

D'Konzentratiounsklasse ginn haut beispillsweis vun Amateurastronomen nach gebraucht fir den opteschen Androck ze beschreiwen, dee bei der Observatioun vu Kugelstärekéip z'erwaarden ass. Fir wëssenschaftlech Zwecker si quantitativ Moosse fir d'Beschreiwung vun der Koupstruktur virzezéien, wéi een si duerch Upassung vu parametresche Modeller un déi gemoosse Flächenhellegkeetsprofiler erhält.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]