Thomas Alva Edison

Vu Wikipedia
Wiesselen op: Navigatioun, sichen
Den Thomas Alva Edison mat dem éischte Modell vu sengem Phonograph

Den Thomas Alva Edison, gebuer den 11. Februar 1847 zu Milan (Ohio) a gestuerwen den 18. Oktober 1931 zu West-Orange, engem Township vum Essex County am US-Bundesstaat New Jersey, war en US-amerikaneschen Erfinder an Ingenieur.

Den Thomas Alva Edison war ee vun de produktiivsten US-amerikaneschen Erfinder an huet als techneschen Autodidakt méi wéi 2000 Apparater an technesch Prozedure souwäit entwéckelt, datt hie se patentéiere konnt.

Scho mat 9 Joer huet den Thomas Alva Edison systematesch naturwëssentlschaftlech Experimenter op de verschiddensten technesche Beräicher gemaach, déi hien duerch Geleeënheetsarbechte respektiv als Telegraphist finanzéiert huet.

1868 huet den Edison a verbesserten Telegraph patentéiert an domat säin éischt Patent ugemellt.

Nodeem den Thomas Alva Edison fir seng Erfindung vun engem neien Telegraph 40.000 Dollar kritt huet, huet hien 1870 zu Newark eng elektresch Fabréck opgeriicht. 1876 huet hien zu Menlo Park e Fuerschungslaboratoire gegrënnt, dee geschwënn als Erfinderfabréck bekannt gouf.

1877 huet hien dem Bell säin Telefon verbessert an den éischte Phonograph entwéckelt.

1880 huet den Edison fir d'éischt Kéier een Dampschëff mat elektreschem Liicht ausgerëscht.

1882 huet hien zu New York dat éischt ëffentlecht Elektrizitéitswierk opgeriicht, dat schonn no e puer Méint de Stroum fir 5000 Stroosseluuchte geliwwert huet.

An engem weideren Atelier zu West Orange huet den Thomas Alva Edison 1889 déi éischt Lafbildkamera gebaut.

Den Edison huet sech och nach mat Methode befaasst wéi ee verschidden Äerzer mat Hëllef vu Magnéiten trenne kann. Hien huet och en Néckel-Eisen-Akku gebaut.

1883 huet hien, de spéider no him benannten Edison-Effekt, entdeckt.

Manner Succès hat den Edison, mat verschiddenen Iddien, déi hirer Zäit wäit viraus waren, wéi bei der Method fir an der Baubranche Fäerdegdeeler aus Bëtong hierzestellen déi dann op der Plaz nach just zesummegesat ginn oder bei den elektresche Lokomotiven.

Commons: Thomas Alva Edison – Biller, Videoen oder Audiodateien