Tour de France 1904

Generalklassement
01. FRA Henri Cornet 96h05'55" 02. FRA Jean-Baptiste Dortignacq op 2h16'14" 03. BEL Aloïs Catteau op 9h01'25" 04. FRA Jean Dargassies op 13h04'30" 05. FRA Julien Maitron op 19h06'15" 06. FRA Auguste Daumain op 22h44'36" 07. BEL Louis Coolset op 23h44'20" 08. FRA Achille Colas op 25h09'50" 09. FRA René Saget op 25h55'16" 10. BEL Gustave Drioul op 30h54'49" Um Depart 88 / Bis un d’Enn gefuer 15

Den zweeten Tour de France gëtt vum 2. Juli bis de 24. Juli 1904 gefuer.

Allgemenges

• Den Tour besteet aus 6 Etappen an huet eng Totaldistanz vu 2 429 km.
• D'Moyenne vum Gewënner (Henri Cornet) ass 25,265 km/h.

D'Affaire

Den zweeten Tour de France war och bal de leschte ginn. D'Kompetitioun war en Affer vun hirem eegene Succès vum Joer virdru wéinst fanatesche Reaktiounen vu franséische Spectateuren a Faveur vun der Equipe « La Française » (d'Equipe vum Garin), a verschiddene Fuddlereien. Den Henri Desgrange denkt souguer dru fir d'Saach komplett falen ze loossen.

Als Folleg vun dësen Evenemter gëtt d'Resulat vum Tour eréischt definitiv den 2. Dezember homologéiert. Aacht Coureuren ënnert hinnen déi véier Éischt aus dem Generalklassement ginn deklasséiert oder suspendéiert.

Sou kënnt et datt den Henri Cornet deen de fënneften am Generalklassement war op déi éischt Plaz rutscht an als Vainqueur deklaréiert gëtt. De Maurice Garin kritt eng Suspensioun vun zwee Joer opgedréckt (déi hien säi ganzt Liewe laang contestéiert), an de Lucien Pothier 2. zu Paräis gëtt liewenslänglech gespaart (dëst gëtt awer no dräi Joer erëm opgehuewen).

D'Etappen

Wéinst den Deklassementer vum 2. Dezember falen d'Etappegewënner (Garin, Pothier an Aucouturier) ewech.

Etapp	Datum	Etappestied	Distanz / km	Etappegewënner	1. am Generalklassement
1.	02. Juli	Paräis - Lyon	467	CHE Michel Frédérick	CHE Michel Frédérick
2.	09. Juli	Lyon - Marseille	374	FRA Antoine Faure	FRA Émile Lombard
3.	13. Juli	Marseille - Toulouse	424	FRA Henri Cornet	FRA Henri Cornet
4.	17. Juli	Toulouse - Bordeaux	268	FRA François Beaugendre	FRA François Beaugendre
5.	20. Juli	Bordeaux - Nantes	425	FRA Jean-Baptiste Dortignacq	FRA Henri Cornet
6.	23. Juli	Nantes - Paräis	471	FRA Jean-Baptiste Dortignacq	FRA Henri Cornet

Um Spaweck

• La mémoire du cyclisme / Tour 1904

---