Alexei Alexandrowitsch Balandin

Vu Wikipedia
Alexei Alexandrowitsch Balandin
Gebuer 8. Dezember 1898 jul.
Jenisseisk
Gestuerwen 22. Mee 1967
Moskau
Nationalitéit Sowjetunioun
Educatioun Lomonossow-Universitéit
Aktivitéit Chimist
Member vun Russesch Akademie vun de Wëssenschaften, Wëssenschaftsakademie vun der URSS

Den Alexei Alexandrowitsch Balandin (Алексей Александрович Баландин), gebuer den 20. Dezember 1898 zu Jenisseisk a Sibirien a gestuerwen den 22. Mee 1967 zu Moskau, war e russesche Chimist. Hie war vun 1934 Chimieprofesser op der Moskauer Universitéit a Member vun der russescher Wëssenschaftsakademie vun 1946 un.

Liewen[änneren | Quelltext änneren]

Den Alexei Alexandrowitsch ass zweemol verhaft ginn a koum an de Gulag. Déi éischt Kéier 1936 obschonn hien ni politesch aktiv war. Deen Arrest huet mat engem Exil ze Orenburg geendegt.

Wëssenschaftlech Aarbecht[änneren | Quelltext änneren]

De Balandin huet wichteg Aarbechten am Beräich vun der Heterogener Katalys geleescht an dëst souwuel theoreetesch wéi och praktesch. Fir d'Katalys z'erklären huet hien e Modell agefouert an deem en Transitiounszoustand op der Uewerfläch vum Katalysater entsteet. Do bilt sech tëscht de Reagenzien e Komplex deen net stabil ass.

An Zesummenaarbecht mam Nikolai Selinski huet de Balandin och an der Petrochimie gefuerscht. Do huet hien eng katalytesch "Neibildung" vun Alkanen a Cycloalkanen zu aromatesche Kuelewaasserstoffer duerch Dehydrogenéierung entwéckelt.

Éierungen[änneren | Quelltext änneren]

De Moundkrater Balandin dréit säin Numm.

Wierker[änneren | Quelltext änneren]

  • Multiplet Theory of Catalysis (1929)
  • Chlopin W. G., Balandin A. A., Pogodin S. A., Wolfkowitsch S. I. (1945). Otscherki po istorii Akademii nauk: chimitscheskie nauki. Moskwa: Isd-wo Akademii nauk SSSR. OCLC 17748200
  • Balandin A. A. (1968). Iwwersat als: Scientific selection of catalysts. Problems of kinetics and catalysis, 11. Jerusalem: Israel Program for Scientific Translations. OCLC 434180
  • Balandin A. A. (1964). Catalysis and chemical kinetics. New York: Academic Press. OCLC 769314
  • Balandin A. A., Klabunowski E. I. (1972). Isbrannyje trudy. Moskwa: "Nauka".

Um Spaweck[änneren | Quelltext änneren]