Anne-Marie Peysson

Anne-Marie Peysson
Gebuertsnumm	Anne Marie Marguerite Peysson
Gebuer	24. Juli 1935
Gestuerwen	14. Abrëll 2015 Le Vésinet
Nationalitéit	Frankräich
Aktivitéit	Journalistin
Gielercher	Offizéier vum Ordre national du Mérite
Famill
Bestuet mat	Jean Falloux

D'Anne-Marie Peysson, gebuer de 24. Juli 1935 zu Saint-Disdier (Departement Hautes-Alpes), a gestuerwen de 14. Abrëll 2015, war eng franséisch Speakerin a Journalistin.

No 4 Joer bei engem Marseiller Regionalprogramm gouf d'Anne-Marie Peysson 1958 Animatrice bei der nationaler franséischer Televisiounschaîne ORTF a kuerz duerno Speakerin, déi d'Programmen ugesot huet.

1965 bis 1968 huet si zesumme mam Guy Lux duerch d'Emissioun Le Palmarès des chansons gefouert, an an deem engen oder anere Film a klenge Rollen - vu Speakerinnen - matgespillt.

1968 ass si bei de franséischen RTL-Radio gewiesselt, wou se déi bekannt Emissioune Stop ou encore a Les auditeurs ont la parole animéiert huet. 1975 krut si zousätzlech nees op der Televisioun bei TF1 eemol d'Woch d'Moderatioun vu La minute de la femme, a méi spéit La cuisine légère.

An der Spill-Emissioun Le Francophonissime huet si fir RTL Lëtzebuerg representéiert.

D'Anne-Marie Peysson huet ausserdeem e puer Placke mat Lidder opgeholl, a Bicher geschriwwen, wourënner de Bestseller 1001 trucs et astuces de nos grands-mères.

Filmographie

• 1955: Trois de la Canebière vum Maurice de Canonge
• 1964: Fantômas vum André Hunebelle: D'Speakerine
• 1967: La Bonne Peinture vum Philippe Agostini (TV)
• 1968: Le corso des tireurs vum Philippe Ducrest (TV): Corinne
• 1969: La Femme infidèle vum Claude Chabrol
• 1969: Erotissimo vum Gérard Pirès: Eng La Croix-Lieserin
• 1971: On ne se dit pas tout entre époux vum Jacques Doillon (Kuerzfilm)

Discographie

• 1964: Contes et légendes du folklore de France (Paroles et Musique)
• 1965: Sous le signe de l'olivier (avec Henri Génès, Mathé Altéry et Jacques Morel) (Chief Records)
• 1967: Le théâtre ferme (Columbia)
• 1968: Du bois sec pour tout l'hiver (Columbia)
• 1973: On est bien quand on est deux (avec Gérard Bourgeois) (RCA Records)

Biblliographie

• Anne-Marie Peysson: Comme vous, je pleure, j'aime et je ris: Autobiographie. éditions Robert Laffont,‎ 1978, ISBN 2221000447 an 978-2221000441.
• Anne-Marie Peysson: Mes trucs miracles pour les balcons, terrasses et jardins. Livre de poche,‎ 1996 ISBN 2253081744 an 9782253081746.
• Anne-Marie Peysson: 1001 trucs et astuces de nos grands-mères. L'Archipel,‎2009, ISBN 2809801355 an 978-2809801354.