Base

Vu Wikipedia
Wiesselen op: Navigatioun, sichen

Base sinn am engere Sënn all chemesch Verbindungen, déi a wässreger Léisung an der Lag sinn, Hydroxid-Ionen (OH) ze bilden, also de pH-Wäert z'erhéijen. Hydroxid-Ione si chemesch Verbindungen, déi Protone vun enger Saier ënner Formatioun vun engem Waassermoleküll iwwerhuele kënnen. Eng Base ass domat d'Géigestéck zu enger Saier a ka se sou neutraliséieren.

Am méi wäite Sënn ginn duerch verschidde Saier-Base-Konzepter eng wiesentlech méi breet Palett vu chemesche Reaktioune beschriwwen, déi wäit iwwer déi uewe beschriwwe Reaktiounen erausgoe kënnen. Besonnesch wichteg sinn d'Konzepter nom Lewis an nom Pearson, dee vun haarden a mëlle Saieren a Base schwätzt (HSAB-Konzept).

Saieren a Basen neutraliséiere sech géigesäiteg a gi Waasser a Salzer.

  • Beispill: Salzsaier + Natriumhydroxid gëtt Waasser a Natriumchlorid
HCl + NaOH -> H2O + NaCl.

Beispiller vu Basen:

Basen hunn e pH-Wäert tëscht 7 a 14, Saieren tëscht 0 a 7.

D'Stäerkt vu Base gëtt mam pKb-Wäert gemooss.

De Gebrauch vu Basen ass net ongeféierlech: Base kënnen organescht Material verätzen (Kleedung, Haut, Aen).

Aus Ueleg a Fetter entsti mat Basen Seef a Glycerin.