Blaise Illig

Vu Wikipedia
Op d'Navigatioun wiesselen Op d'Siche wiesselen
Blaise Illig
Gebuer 22. Oktober 1851
Oochen
Gestuerwen 19. Mäerz 1926
Oochen
Nationalitéit Frankräich
Aktivitéit Schrëftsteller, Offizéier
Wikidata-logo-without-paddings.svg

De Blaise Illig, gebuer den 22. Oktober 1851 zu Oochen, an och do den 19. Mäerz 1926 gestuerwen, war e franséischen Offizéier aus dem Museldepartement.

Den Illig deen den 9. September 1872 eng Option fir d'franséisch Nationalitéit ënnerschriwwen hat<ref>Base Léonore Note N° L1332095>/ref> huet sech den 11. September 1872 am 88. Infantriesregiment zu Cahors engagéiert. Duerno koum hien an d'122. Infantriesregiment op Montpellier mat deem hien als Ënnerleitnant um Tunesiekrich deelgeholl huet. Duerno gouf hie bis zu senger Pensioun Capitaine an der Trésorerie vum 72. I.R. zu Amiens.

Do krut hie seng Pension 1906 an ass op Nanzeg wunne gaangen. Beim Ausbroch vum Éischte Weltkrich gouf hien an d'Arméi zréckgeruff a gouf Bataillounschef vum 42. Territorialregiment vu Nanzeg. 1917 huet hien definitiv d'Arméi verlooss a goung zréck a säin Heemechtsduerf Oochen, wou en och gestuerwen ass.

De Blaise Illig ass den Auteur vun enger Monographie iwwer Oochen déi 1928 erauskoum.

Auszeechnungen[änneren | Quelltext änneren]