Departement Moselle
| Moselle (57) | |
|---|---|
 
| |
| Regioun | Grand Est |
| Prefecture | Metz |
| Ënnerprefecture | Château-Salins Forbach Sarrebourg Sarreguemines Diddenuewen |
| Bevëlkerung | 1 044 898 Aw.(2009) |
| Fläch | 6 216 km² |
| Arrondissementer | 6 |
| Kantonen | 27 |
| Gemengen | 730 |
| |
Den Departement Moselle (57) ass e franséischt Departement, dat nom Floss Musel (fr.: Moselle) genannt ass.
Geschicht
[änneren | Quelltext änneren]Wéi déi meescht aner Departementer, gouf d'Musel-Departement de 4. Mäerz 1790 an der Folleg vun der Franséischer Revolutioun gegrënnt. Et ass aus dem nërdlechen Deel vun der deemoleger Provënz Loutrengen ervirgaangen, a seng Grenz gouf bis 1815 e puermol liicht verännert. D'Stied Saarbrécken a Saarlouis hunn zäitweileg dozougehéiert.
Deemools war d'Departement a 4 Arrondissementer ënnerdeelt: Metz (Chef-lieu), Briey, Sarreguemines an Diddenuewen.
Den 18. Mee 1871 huet Däitschland e groussen Deel vum Departement annexéiert. Just dee westlechsten Deel blouf franséisch, a gouf an dat nei geschaf Departement Meurthe-et-Moselle agegliddert.
1919, nom Traité vu Versailles goungen déi loutrengesch Territoiren nees hannescht u Frankräich. Zesumme mat engem Deel vum fréieren Departement Meurthe gouf d'Moselle nees nei als Departement gegrënnt (mat den Arondissementer Boulay-Moselle, Forbach, Metz, Sarreguemines, Diddenuewen, Château-Salins a Sarrebourg), woubäi d'Ofgrenzung zur Meurthe-et-Moselle dem franséisch-däitsche Grenzvelaf vun 1871 no gemaach gouf.
Am Zweete Weltkrich gouf d'Moselle an de Gau Westmark integréiert, zesumme mam Saarland an der Pfalz. D'amerikanesch Truppen hunn der Okkupatioun en Enn gesat, wann och verschidden Uertschaften hu misse bis Mäerz 1945 waarden, bis se befreit goufen.
Geographie
[änneren | Quelltext änneren]D'Moselle ass en Deel vun der Regioun Grand Est. Et grenzt un d'Departementer Meurthe-et-Moselle a Bas-Rhin, an un Däitschland a Lëtzebuerg.
Gréisser Stied: Saint-Avold, Creutzwald, Hayange, Hagondange.
Waasserleef: Musel, Saar, Seille.
Bevëlkerung
[änneren | Quelltext änneren]D'Awunner gi Mosellan(ne)s genannt.
| 1801 | 1872 | 1921 | 1936 | 1946 | 1968 | 1975 | 1982 | 1990 | 1999 | 2007 |
|---|---|---|---|---|---|---|---|---|---|---|
| 348 131 | 490 459 | 589 120 | 696 246 | 622 145 | 971 314 | 1 006 373 | 1 007 189 | 1 011 302 | 1 023 447 | 1 039 018 |
Kuckt och
[änneren | Quelltext änneren]- Arrondissementer am Departement Moselle
- Kantonen am Departement Moselle
- Lëscht vun de Gemengen am Departement Moselle
Um Spaweck
[änneren | Quelltext änneren]| Commons: Departement Moselle – Biller, Videoen oder Audiodateien |
- (fr) D'Préfecture
- (fr) De Conseil général
- geoplatt