Departement Seine-Saint-Denis

Vu Wikipedia
Op d'Navigatioun wiesselen Op d'Siche wiesselen
Seine-Saint-Denis (93)
Blason département fr Seine-Saint-Denis.svg
Regioun Ile-de-France
Prefecture Bobigny
Ënnerprefecture Le Raincy
Saint-Denis
Bevëlkerung 1 592 663 Aw.(2015)
Fläch 236 km²
Arrondissementer 3
Kantonen 21
Interkommunalitéiten
Gemengen 40
Seine-Saint-Denis-Position.png

D'Seine-Saint-Denis (93) ass e franséischt Departement, an der Regioun Île-de-France. E läit am Ballungsgebitt vu Paräis an ëmfaasst haaptsächlech d'Banlieue am Norden an am Nordoste vun der Haaptstad.

Déi ronn 1,6 Milliounen Awunner vum Departement gi "Séquano-Dionysiens" genannt.

Geographie[änneren | Quelltext änneren]

Mat enger Fläch vun 236 km² ass d'Seine-Saint-Denis viru Paräis an den Hauts-de-Seine dat drëttklengst Departement a Frankräich. Et läit am Paräisser Baseng an am sougenannte Pays de France.

Den Departement besteet haaptsächlech aus engem niddrege Plateau, deen duerch breet Däller vun der Seine an der Marne an Zeiebierger strukturéiert gëtt.

Bevëlkerung[änneren | Quelltext änneren]

2015 louch de Fertilitéitsindex bei 2,46 Kanner pro Fra, wat deen héchsten Taux vun allen Departementer am metropolitane Frankräich war.

D'Bevëlkerung huet ee vun den héchste Prozentsätz vun Auslänner a ganz Frankräich. 2013 waren 29 % (ronn 450.000 Persounen) Immigranten. 2005 hate méi wéi 57 % vun de manner wéi Uechzéngjäregen auslännesch Originnen a 64,9 % vun de Kanner, déi 2011 am Departement Seine-Saint-Denis gebuer goufen, haten zumindest een Elterendeel, deen am Ausland gebuer gi war.

D'Immigratioun huet schonn an der zweeter Hallschent vum 19. Joerhonnert mat der Entwécklung vun der Industrie ugefaangen. Tëscht 1920 an 1940 sinn haaptsächlech Spuenier an Italiener komm an nom Zweete Weltkrich d'Nordafrikaner. Spéider sinn nach d'Portugiesen komm a méi rezent d'Chinesen, d'Tierken an d'Afrikaner. Parallel dozou si bis an d'1970er och vill Fransousen aus anere Regioune vum Land an d'Industriebetriber zu Paräis an an der Ëmgéigend schaffe komm.

Gréisst Gemengen[änneren | Quelltext änneren]

D'Gemenge mat de meeschten Awunner waren 2015:

  1. Saint-Denis : 111.103
  2. Montreuil : 106.691
  3. Aubervilliers : 83.782
  4. Aulnay-sous-Bois : 83.584
  5. Drancy : 69.568
  6. Noisy-le-Grand : 66.213
  7. Le Blanc-Mesnil : 55.297
  8. Pantin : 55.180
  9. Épinay-sur-Seine : 54.840
  10. Bondy : 53.439
  11. Bobigny : 51.716
  12. Sevran : 50.480

Transport[änneren | Quelltext änneren]

Am Departement Seine-Saint-Denis gëtt et zwéi Fluchhäfen, de Fluchhafe Paris-Charles-de-Gaulle, deen de gréissten a Frankräich an ee vun de gréissten an Europa ass, an de Bourget, deen haaptsächlech fir d'Privatfligerei do ass an op deem och de Salon de l'aéronautique ofghale gëtt.

Donieft gëtt et och siwe Metroslinnen, véier Tramslinnen, fënnef RER-Linnen, 63 km Autobunn, 349 km routes départementales a 600 km Vëlospisten.[1]

Biller[änneren | Quelltext änneren]

Um Spaweck[änneren | Quelltext änneren]

Commons: Seine-Saint-Denis – Biller, Videoen oder Audiodateien

Kuckt och[Quelltext änneren]


Referenzen[Quelltext änneren]

  1. seine-saint-denis.fr: Le territoire en chiffres (gekuckt den 8. Mäerz 2018)