Château-Salins

Château-Salins

Land

Frankräich

Regioun

Grand Est

Departement

Moselle

Arrondissement

Sarrebourg-Château-Salins

57170

57132

48° 49’ 21’’ N
06° 30’ 31’’ O

Fläch

1 439 ha

Bevëlkerung

341 (1999)

Château-Salins ass eng franséisch Uertschaft a Gemeng am Departement Moselle an der Regioun Grand Est.

Et ass och den Haaptuert vum Kanton Château-Salins

D'Awunner heesche Castelsalinois

Geographie

Château-Salins läit am Salzbecke vum Saulnois am Nordoste vu Nanzeg.

Geschicht

D'Stad an d'Géigend ronderëm de Saulnois verdanken hiren Numm dem Salz dat fréier an dëser Géigend exploitéiert gouf. Déi lescht Salinen zu Château-Salins, goufen 1826 zougemaach.

D'Uertschaft ass net ganz al. Si ass entstane wéi d'Herzoge vu Loutrengen am 14. Joerhonnert eng Festung gebaut hunn, fir d'Exploitatioum vum Salz, dat do endeckt gi war ze protegéieren.

No 1789 huet d'Stad de revolutionären Numm Salines libres ugeholl, huet sech awer gläich duerno erëm Château-Salins genannt.

Eng Tour de Chappe war vu 1798 bis 1852 am Déngscht. Si huet de Relais gemaach tëscht där vun Delme an där vu Vic-sur-Seille op der Linn Paräis-Stroossbuerg.

Vun 1800 bis 1871, war Château-Salins eng Ënnerprefecture vum Departement Meurthe.

Duerch den Traité vu Frankfurt gouf et no 1871 un d'Bezirke Lothringen ugeschloss an op Salzburgen ëmgedeeft.

No dem Éischte Weltkrich gouf et erëm franséisch a koum bei d'Museldepartement dobäi.

Déi kleng Gemeng Coutures gouf 1975 u Château-Salins ugeschloss, mat dem Statut Commune associée.

Wopen

Beschreiwung am Originaltext:

Parti, en 1 d'or à la bande de gueules chargée de trois alérions d'argent, et en 2 de gueules à la coquille d'argent

Kuckeswäertes

Déi grouss Uergel aus dem 18. Joerhonnert an der Kierch St-Jean-Baptiste. D'Uergel gouf vum Nicolas Dupont fir d'Abtei vu Salival an der Gemeng Moyenvic gebaut, an Enn 19. Joerhonnert vum Jean Blesi, ëmgeännert, an duerno vun der Uergelmanufaktur Haerpfer-Erman an der Kierch vu Château-Salins opgeriicht. Si ass awer lues e lues verkomm. Eréischt 1995 huet den Uergelbauer Michel Gaillard, dee fir d'Uergelmanufaktur Aubertin vu Courtefontaine geschafft huet, d'Uergel nees restauréiert.

Bekannt Leit

Den Henri Grégoire fänkt seng Carrière als Kaploun zu Château-Salins un.
De Linguist Arsène Darmestetter ass zu Château-Salins de 5. Januar 1846 op d'Welt komm.
De Philippe Gaillot, ee vun de bekanntste Foussballspiller vum FC Metz gouf den 28. Februar 1965 zu Château-Salins gebuer.

Kuckt och

Um Spaweck

Commons: Château-Salins – Biller, Videoen oder Audiodateien