Blaues Wunder

D'Raddampschëff "Dresden" ënner der Bréck

D'Blaue Wunder ass am Volleksmond den Numm vun der Loschwitzer Bréck zu Dresden. Si huet bis 1912 König-Albert-Brücke geheescht.

D'Bréck ass eng Stroossebréck, geet iwwer d'Elbe a verbënnt d'Quartiere Blasewitz a Loschwitz. Si gouf 1893 fäerdeg a war eng vun den éischte stole Brécke mat enger grousser Spanwäit déi kee Pilier am Floss hat. Dofir gouf se och als Wonner betruecht.

Geschichtlesches[änneren | Quelltext änneren]

Bréck gouf tëscht 1891 an 1893 vum Claus Koepcke an H. M. Krüger als versteift 3-gelenkeg Hänkbréck, wéi de Claus Koepcke seng Bréck genannt huet, gebaut. A Wierklechkeet ass et eng Ausleeërfachwierkbréck.

Si gouf 1935 ëmgebaut fir d'Fuerbunn ze verbreeden an dobäi goufen d'Foussgängerweeër baussent déi al Bréckegelännere versat.

Daten[änneren | Quelltext änneren]

Spanwäit: 280 m
Gewiicht: 3500 t
Feldwäiten: 61.76 m -146.68 m - 61.76 m
Baukäschten: 2,25 Mio Goldmark
Ustrach: 57.000 Mark
Geographesch Koordinaten: 51° 03' 13" N / 13° 48' 39" O

D'stolen Deeler goufen an der Königin-Marien-Hütte zu Cainsdorf bei Zwickau produzéiert.

Fir d'Benotze vun der Bréck huet misste bis 1923 eng Maut bezuelt ginn:

2 Fenneg fir Foussgänger, Benotzer vum Tram, a Vëloen a Motorieder.
10 Fenneg fir Gespaaner
20 Fenneg fir motoriséiert Gefierer.

1945 hunn e puer couragéiert Bierger d'Wehrmacht dru gehënnert fir d'Bréck ze sprengen. Dodrun erënnert eng Plack um Foussgängerwee op der rietser Säit vun der Bréck wann e vun der Schillerplaz op d'Bréck kënnt.

Zanter 1968 ass d'Bréck nach just fir Gefierer mat manner wéi 15 Tonne Gesamtgewiicht op.

Literatur[änneren | Quelltext änneren]

Geißler, K. Das Blaue Wunder - Entwicklung neuer Methoden in der Tragwerksbeurteilung, in "Der Stahlbau", Oktober 2006, n. 10 v. 75.
Geißler, K. Die Elbebrücke Blaues Wunder in Dresden - Tragwerk und Maßnahmen zur weiteren sicheren Nutzung, in "Der Stahlbau", März 2004, n. 3 v. 73.
Gelhaar, A. Instandsetzung von Korrosionsschäden an der Elbebrücke Loschwitz - Blasewitz "Blaues Wunder", in "Der Stahlbau", Mai 2006, n. 5 v. 75.
Graf, Bernhard Bridges that Changed the World, Prestel, München (Deutschland), ISBN 3-7913-2701-1, 2002; S. 80-81.
Graf, Bernhard Brücken, die die Welt verbinden, Prestel, München (Deutschland), ISBN 3-7913-2700-3, 2002; S. 80-81.
Hoff, Robert Meisterbauwerke der Ingenieurbaukunst, Bundesanzeiger Verlag, Köln, ISBN 3-88784-886-1, 1998; S. 191-200.
Stiglat, Klaus Brücken am Weg, Ernst & Sohn, Berlin, ISBN 3-433-01299-7, 1997; S. 97-101.
Klaus Beuchler: Entscheidung im Morgengrauen, Kinderbuchverl., Berlin, 1969
Volker Helas: Das Blaue Wunder. Die Geschichte der Elbbrücke zwischen Loschwitz und Blasewitz in Dresden, Fliegenkopf-Verl., Halle, 1995, ISBN 3-930195-07-0
Michael Wüstefeld: Blaues Wunder. Dresden wunderlichste Brücke, Be-bra-Verl., Berlin, 2002, ISBN 3-930863-81-2

Um Spaweck[änneren | Quelltext änneren]

Commons: Blaues Wunder – Biller, Videoen oder Audiodateien