Bou (Architektur)

Dësen Artikel beschäftegt sech mat dem Bou an der Architektur. Fir aner Bedeitungen, kuckt wgl. Bou.

De Pont du Gard.

Verschidde Boukonstruktiounen an engem Giewel (Apdikt De Liefde zu Utrecht)

E Bou ass eng Iwwerspanung vun engem Fräiraum an enger Konstruktioun, déi eng gebéit Form huet. Dacks si Béi aus Steen oder Zille gebaut, an d'Elementer si liicht käilfërmeg. E Verwëllef kann een definéieren als eng dräidimensional Ausféierung vum Prinzip vum Bou.

Béi goufen a gi gebraucht, fir Dieren oder Fënsteren a Maueren z'iwwerspanen, bei Brécken (kuckt: Boubréck) a bei Tunnellen. An der Vergaangenheet war d'Boukonstruktioun déi eenzeg Manéier, fir e grousse Raum z'iwwerspanen, an och nach eppes drop ze bauen.

Beim Bou gëtt den Drock vun uewen, säitlech ëmgeleet, sou datt d'Ëffnung, déi iwwerspaant soll ginn, net an e Koup fält.

An der réimescher, an duerno och an der romanescher Architektur waren d'Béi Hallefkreesser. An der Gotik koum de Spatzbou zum Asaz; et gëtt eng weider Rëtsch vu Bouformen:

Bouformen

• 
  Segmentbou
• 
  Ronnbou
• 
  Spatzbou
• 
• 
  Ellipsbou
• 
  Kuerfbou
• 
  Tudorbou
• 
  Parabolbou
• 
  Steigende Bou
• 
  Dräipassbou
• 
  Huffeisebou
• 
  Akkoladebou
• 
  Hunnekamp
• 
  Rideausbou
• 
  ëmgekéierten Akkoladebou
• 
• 
  Dräibladbou
• 
  Dräilobegen Huffeisebou
• 
  Florentinerbou
• 

Um Spaweck

Commons: Béi – Biller, Videoen oder Audiodateien