Carl Zeiss

Vu Wikipedia
Op d'Navigatioun wiesselen Op d'Siche wiesselen
De Carl Zeiss
E Mikroskop vum Carl Zeiss (1879).

De Carl Zeiss, gebuer den 11. September 1816 zu Weimar a gestuerwen den 3. Dezember 1888 zu Jena, war en däitsche Mechaniker a Produzent vun optesche Lënsen. Hien huet d'Firma Carl Zeiss Jena gegrënnt, déi haut nach als Carl Zeiss AG existéiert a viru fiert, optesch Apparater ze produzéieren.

An den 1840er Joren huet de Carl Zeiss zu Jena seng Carrière als Lënseschlëffer ugefaangen. Am Ufank goufen se nëmme fir Mikroskope benotzt, ma mat der Entwécklung vun der Fotografie huet (de) Carl Zeiss ëmmer méi och qualitativ héich Lënse fir Fotosapparater gebaut.

1886 huet hie mam Physiker Ernst Abbe a mam Glasmécher a -chemiker Otto Schott zesummegeschafft, fir eng nei Zort Glas z'entwéckeln fir Mikroskoper, mat engem sougenannten apochromateschen ("Apo") Objektiv.

Literatur[änneren | Quelltext änneren]

  • Auerbach, Das Zeisswerk und die Carl Zeiss-Stiftung in Jena (3. Oplo Jena 1907)

Um Spaweck[änneren | Quelltext änneren]

Commons: Carl Zeiss – Biller, Videoen oder Audiodateien