Challenge Peters Sports
Den Challenge Peters Sports ass eng Kompetitioun am Cross country a gëtt zu Lëtzebuerg all Joer an allen Altersklassen ausgedroen. D'Kompetitioun besteet aus engem Generalklassement, deen op de Resultater vu 6 Cross-Leef plus engem Championnat baséiert. Den Organisateur ass d'FLA an den Haaptsponsor ass Peters Sports, e Geschäft fir Sportsartikelen.
All Athleeten déi bei engem lëtzebuergesche Liichtathleetikveräi lizenzéiert sinn, dee Member vun der FLA ass, kënne matmaachen.
De Punktesystem
[änneren | Quelltext änneren]Op all Cross gëtt et Punkten. Den Éischte kritt 100 Punkten, den Zweeten der 90, asw. Nëmmen déi 3 bescht Crosse vun all Athleet gi gezielt. Zousätzlech gëtt et 10 Punkte Bonifikatioun, wann een der 3 gelaf ass (ouni Championnat). Um Championnat ginn 1,5x méi Punkte verdeelt. Gewënner vum Challenge ass, wien um Schluss vun der Saison déi meescht Punkten huet.
Palmarès (Senioren)
[änneren | Quelltext änneren]| Joer | Männer | Punkten | Fraen | Punkten |
|---|---|---|---|---|
| 2002/2003 | Vincent Nothum | 340 | Line Dupont | 345 |
| 2003/2004 | ? | ? | ? | ? |
| 2004/2005 | Oman Errachidi | 350 | Pascale Schmoetten | 360 |
| 2005/2006 | Christian Thielen | 310 | Mariella Baum | 300 |
| 2006/2007 | Roger Königs | 335 | Véronique Hansen | 320 |
| 2007/2008 | Pascal Groben | 340 | Ulrika Gunnarsson | 335 |
| 2008/2009 | Stefan Kornelis | 320 | Pascale Schmoetten (2) | 345 |
| 2009/2010 | Vincent Nothum (2) | 330 | Tania Ley-Fransissi | 330 |
| 2010/2011 | David Karonei | 290 | Sandra Huberty | 315 |
| 2011/2012 | Pascal Groben (2) | 315 | Tania Ley-Fransissi (2) | 305 |
| 2012/2013 | Yonas Kinde | 350 | Martine Mellina | 335 |