Delta-Scuti-Stär

Delta-Scuti-Stäre si pulsatiounsverännerlech Stäre vun der Spektralklass A2 bis F6 an der Liichtkraaftklass V bis III. D'Periode leien tëscht 0,03 an 0,2 Deeg an d'Amplituden tëscht 0,003 an 0,1 Gréissteklassen.

D'Pulsatioun verleeft radial an nëmmen an der Grondfrequenz, an Ausnamefäll och an der 1. Uewerschwéngung. D'Liichtbéi entspriechen enger Sinusschwéngung mat verännerlecher Form, Period an Amplitud.

D'Delta-Scuti-Stäre leien am Hertzsprung-Russell-Diagramm tëscht der Haaptrei an den RR Lyrae-Stären. Ongeféier 30% vun den Haaptreiestären an den u.g. Spektralklasse sinn Delta-Scuti-Stären.

Änlech Eegenschafte wéi d'Delta-Scuti-Stären, allerdéngs bei méi héijen Amplituden, weisen d'Zwergcepheiden.

Beispiller fir Delta-Scuti-Stäre

Numm	Bayer-Bezeechnung	Spektralklass	Visuell Magnitude (Maximum)	Amplitude (mag)	Period (Deeg)
Vega	Alpha Lyrae	A0 V	-0,02	0,07	0,19
Denebola	Beta Leonis	A3 V	2,14	0,025	-
Caph	Beta Cassiopeiae	F2 III-IV	2,25	0,06	0,1043
	Rho Puppis	F6 IIp	2,68	0,19	0,14088
Ceginus	Gamma Bootis	A7 III	3,02	0,05	0,2903
Pherkad	Gamma Ursae Minoris	A3 II-III	3,04	0,05	0,1430
	Theta2 Tauri	A7 III	3,35	0,07	0,0756
	Tau Cygni	F0 IV	3,65	0,10	-
	Ypsilon Ursa Majoris	F2 IV	3,68	0,18	0,1327
	Gamma Coronae Borealis	A0 IV	3,8	0,06	0,03
	Rho1 Sagitarii	F0 IV-V	3,9	0,04	0,05
Phicares	Epsilon Cephei	F0 IV	4,15	0,06	0,0412
	Delta Serpentis	F0 IV	4,23	0,04	0,134
	Delta Delphini	F0 IV	4,38	0,11	-
	Delta Scuti	F3 IIIp	4,6	0,19	0,19377

Kuckt och

Portal Astronomie