Quelltext vun der Säit Elektrotechnik weisen

{{SkizzPhysik}}[[Fichier:HitachiJ100A.jpg|thumb|Eng Elektronikplatine respektiv e [[PCB]]]]
[[Fichier:Poteau_electrique_pologne.JPG|thumb|Elektresch Fräileitungen]]
[[Fichier:Antennes_radiodiffusion.jpg|thumb|Telekommunikatiouns-Antennen]]
D''''Elektrotechnik''' ass eng Ingenieurswëssenschaft, déi sech mam Studium a mat der [[Technik|technescher]] Applikatioun vun der [[Elektrizitéit]] befaasst<ref>Centre national de ressources textuelles et lexicales mat Bezuch:''Cours modernes d'électrotechnique''</ref>{{,}}<ref>électrotechnique = ''étude des applications techniques de l'électricité'' Larousse 1965 S.1028</ref>{{,}}<ref>https://www.wortbedeutung.info/Elektrotechnik/ Definitioun am Online Wörterbuch</ref>.

Dozou gehéieren zum Beispill den Transport, d'Distributioun, d'Transformatioun, d'Gestioun an de Gebrauch vun der [[Elektresch Energie|elektrescher Energie]].

Et gëtt verschidde grouss a klassesch Spezialisatioune wéi d'[[Energietechnik]], d'[[Elektronik]], d'[[Automatiséierungstechnik]], oder d'[[Noriichtentechnik]] respektiv [[Telekommunikatioun]].

== Haaptberäicher vun der Elektrotechnik ==
Historesch kann ee soen datt als éischt d'Beräicher Energietechnik an Telekommunikatioun entstane sinn. Méi spéit huet sech an der Elektrotechnik d'Elektronik an d'Automatiséierungstechnik entwéckelt. D'Grenze vun de Beräicher si fléissend an et gëtt och ganz vill Ënnerberäicher. An der [[Schoul]] souwéi dono am Beruffsliewen kann ee sech spezialiséiere fir Expert ze ginn.

=== Energietechnik ===
An der Energietechnik geet et ëm elektresch Energieewandlung, -Veraarbechtung, -Transport an -Verdeelung.

Deelberäicher sinn ënner anerem: Elektresch [[Stroumnetz]]er, Elektresch Energieverdeelung, Smart Grids, Kraaftwierkstechnologien, respektiv Produktioun vun elektrescher Energie, [[elekresch Maschinnen]] (Trafoen, Motoren an [[Generator]]en), elektresch Energiespäichertechnologien, [[Leeschtungselektronik]], Energiewandler a Konverter, elektresch Energieversuergung an [[Installatiounstechnik]] (A Gebaier: Panzerkëscht, Sécherungskëscht, Verkabelungen, [[Steckdous]]en,...) …

=== Noriichtentechnik respektiv Telekommunikatioun ===
D'Norichtentechnik hëlleft Noriichte respektiv [[Informatioun]]en ze veraarbechten an z'iwwerdroen an dat iwwer elektresch an [[Optik|optesch]] Kabelen, souwéi och iwwer [[elektromagnéitesch Wellen]] (Antennen).

Deelberäicher sinn ënner anerem: d'Kommunikatiounstheorie, d'Signaltheorie, d'Signalveraarbechtung a Wandlung, d'Antennentechnik, d'Funk- a Mobilfunktechnik, d'[[Netzwierktechnik]], d'Satellittentechnik, d'Informatiouns- an Dateveraaarbechtung, d'Kompriméierung an d'[[Codéierung]], …

=== Elektronik, Mikroelektronik an Nanoelektronik ===
D'[[Elektronik]] ass d'[[Miniatur]]iséierung vun elektresche Schaltkreesser. D'Elektronik ass net op [[Schalttafel]]en oder [[Mauer]]en verluecht mais verbaut op Platinnen déi mat den [[elektronesche Baudeel]]er bestéckt ginn, oder am Fall vun der [[Mikroelektronik]] als integréiert Schaltkreesser zum Beispill de [[Silizium]]-Chip.

Mikroelektronik huet als Zil elektronesch Schaltkreesser, sou wäit wéi et technesch méiglech ass, ze miniaturiséieren. D'Elektronik gëtt well se sou kleng ass meeschtens a Gehaiser agebaut, verkaaft an installéiert. A verschiddenen [[Industrie]]n, ass d'100-[[Nanometer]]-[[Limitt]] schonn ënnerschratt, soudatt een neierdéngs hei formell vun [[Nanoelektronik]] schwätzt.

Deelberäicher sinn ënner anerem: d'Analogelektronik, d'Digitaltechnik, PCB-Design, Chip-Design, Mikroprozesser a Mikrokontroller, Embedded Systems a Programméieren,...

=== Automatiséierungstechnik ===
Bei der [[Automat]]iséierungstechnik geet et ëm d'Ersetze vu mënschlechen Handlungen, Aarbechten oder Aufgaben, mat Automaten, also duerch Maschinnen. Dat geet entweeder vollelektresch, elektromechanesch, vollmechanesch, mä awer och digital an den Informatiounssystemer. Grouss Stéchwierder sinn d'Robotik, d'Industrie 4.0, d'Digitaliséierung an d'Kënschtlech Intelligenz.

Deelberäicher sinn ënner anerem: d'Systemtheorie, Kybernetik, d'Reegelungstechnik, d'Steierungstechnik, d'Miesstechnik, d'Sensorik, d'Robotik, d'Digitaltechnik, d'Automateprogramméierung an d'Informatiounstechnik an d'Bildveraarbechtung.

== Geschicht vun der Elektrotechnik ==

=== Entdeckt Naturgesetzer vun der Elektrizitéit ===
D'Naturgesetzer vun der Elektrizitéit sinn e Fëllement ob dat d'Elektrotechnik opbaut.

{{Méi Info 1|Elektrizitéit}}

=== Ufank vun der Elektrotechnik: 17. an 18. Joerhonnert ===
{{Méi Biller
 | direction = vertical
 | width = 200
 | Bild1 = Versorium.gif
 | Text1 = Dem Gilbert säi Versorium
 | Bild2 = DMM_38289_Reibungselektrisiermaschine_mit_Glaskugel.jpg
 | Text2 = Elektrostatesche Generator
 | Bild3 = Leid-flasch.gif
 | Text3 = Leidener Fläsch
 | Bild4 = Pila_di_Volta_01.jpg
 | Text4 = Voltasail
}}
*[[1600]]: De [[William Gilbert]] erfënnt den [[Elektroskop]] respektiv de [[Versorium]], mat deem [[elektresch Charge|elektresche Chargë]] kënnen nogewise ginn.
*[[1672]]: Publikatioun vun der [[Erfindung]] vum [[elektrostatesche Generator]], eng [[Maschinn]] déi wann een se mat der Handkierb dréint [[elektresch Chargë]] vuneneen trennt. ([[Otto von Guericke]])
*[[1745]]: De [[Pieter van Musschenbroek]] an den [[Ewald Georg von Kleist]] erfannen de [[Kondensator]], déi sougenannt [[Leidener Fläsch]], eng Method fir elektresch Chargen ze späicheren.
*[[1752]]: De [[Benjamin Franklin]] erfënnt de [[Blëtzofleeder]] a publizéiert seng Resultater am Wierk ''Experiments and Observations on Electricity''.
*[[1762]]: De [[Johan Carl Wilcke]] erfënnt den [[Elektrophor]], eng nei Method fir elektresch Chargen ze trennen. 
*[[1775]]: Den [[Alessandro Volta]] verbessert den Elektrophor.
*[[1792]]: De [[Luigi Galvani]] presentéiert säi legendäert [[Experiment]] mat Fräschbeen, déi e mat enger [[Galvanesch Zell|galvanescher Zell]] un d'Wibbele kritt.
*[[1795]]: De [[Francesc Salvà i Campillo]] erfënnt den elektreschen [[Telegraph]] a publizéiert seng Erfindung virun der Akademie vu Barcelona.

=== Elektrotechnik am 19. Joerhonnert ===

*[[1800]]: Inspiréiert vum Luigi Galvani sengem Experiment baut den [[Alessandro Volta]] déi éischt elektresch [[Batterie (Elektrotechnik)|Batterie]] déi no him [[Voltasail]] genannt gëtt.
*[[1804]]: De [[Francesc Salvà i Campillo]] baut deen éischten elektresche Telegraph fir en kommerzielle Asaz.
*[[1822]]: De [[Peter Barlow]] baut d'[[Barlow-Rad]], den éischten elektresche [[Unipolarmotor]].
*[[1828]]: Den [[Ányos István Jedlik]] verbessert de [[Gläichstroummotor]].
*[[1832|1832:]] Den [[Antoine-Hippolyte Pixii]] erfënnt de [[Wiesselstroumgenerator]], eng [[Maschinn]] déi wa se dréint eng [[Wiesselspannung]] op d'[[Elektresch Klemm|Klemme]] repektiv d'Kontakter gëtt. 
*[[1835]]: Den [[James Bowman Lindsay]] mécht zu [[Dundee]] eng Demonstratioun vun elektreschem [[Liicht]] mat enger [[Elektresch Bir|elektrescher Bir]]. 
*[[1840]]: De [[Samuel F. B. Morse]] verbessert den elektreschen [[Telegraph]], [[Morseapparat]] a [[Morsecode]]. 
*[[1854]]: De [[Wilhelm Josef Sinsteden]] erfënnt d'[[Bläibatterie]]. 
*[[1860]]: Den [[Antonio Meucci]] a [[Philipp Reis]] erfannen den elektreschen [[Telefon]]. 
*[[1861]]: D'Erfindung vum [[Gläichstroumgenerator]], ganz oft associéiert mat [[Dynamo]] ([[Ányos István Jedlik]])
*[[1871]]: Däitlech Verbesserung vum Gläichstroumgenerator. D'[[Gramme-Maschinn]]. ([[Zénobe Gramme]])
*[[1871|1873]]: Den [[Hippolyte Fontaine]] fënnt eraus datt d'Gramme-Maschinn och als Gläichstroummotor ka benotz ginn.
*[[1876]]: Däitlech Verbesserung vum elektresche Telefon, dee och an d'[[Seriëfabrikatioun]] geet. ([[Alexander Graham Bell]])
*[[1878]]: Däitlech Verbesserung vun der [[elektrescher Bir]], an durch [[Fabrikatioun]] an Serie bréngt en d'elektresch [[Liicht]] zu de Leit. ([[Thomas Alva Edison]])
*[[1878]]: De [[Zénobe Gramme]] fänkt un [[Wiesselstroummotor]]en ze bauen.
*[[1882]]: D'Erfindung vum [[Transformator]]. ([[Lucien Gaulard]])
*[[1887]]: D'Erfindung vum Wiesselstroummotor a Wiesselstroumgeneratrice mat zwou Phasen. ([[Nikola Tesla]] an [[Galileo Ferraris]])
*[[1888]]: D'Erfindung vum Wiesselstroummotor a Wiesselstroumgeneratrice mat dräi Phasen an domat d'Erfindung vum [[3 Phasewiesselstroum]] respektiv vum [[Dréistroum]]. ([[Michail Ossipowitsch Doliwo-Dobrowolski]])
*[[1896]]: Dem [[Alexandre Popov (Physiker)|Alexandre Popov]] geléngt et et e [[Radiosignal]] ([[Radiowell|Radiowellen)]] op enger [[Distanz]] vun 250 m ze senden an z'empfänken.

=== Elektrotechnik am 20. Joerhonnert ===

*[[1926]]: Éischt (elektromechanesch) [[Televisiounsapparat|Tëlee]]. ([[John Logie Baird]])
*[[1927]]: Éischt Funkiwwerdroung vun der [[Televisioun]] vun London op New York. ([[John Logie Baird]])
*[[1941]]: Éischten elektresche (elektromechanesche) [[Computer]], den Zuse Z3. ([[Konrad Zuse]])
*[[1947]]: D'Erfindung vum [[Transistor]]. ([[John Bardeen]], [[Walter Houser Brattain]] an [[William Shockley]])
*[[1958]]: D'Erfindung vum [[integréierten Schaltkreess]], den IC. ([[Jack Kilby]] an [[Robert Noyce]])
*[[1960]]: Patentéiert den [[Karl Kordesch]] d'[[Alkali-Batterie]], déi zu deen wichtegsten elektro-cheemeschen Energiespäicher zielt. Se fënnt een an al Haushalt.
*[[1963]]: Éischt [[Digitalkamera]]. ([[David Paul Gregg]])
*[[1968]]: D'Erfindung vum [[Mikroprozessor]]. ([[Marcian Edward Hoff]])
*[[1969]]: Éischt [[Realisatioun]] vun engem [[Mikroprozessor]], den [[Intel 4004]]. ([[Federico Faggin]])
*[[1971]]: Éischte [[Mikroprozessor]] um [[Maart]], den [[Intel 4004]]. ([[Federico Faggin]])
*[[1975]]: Ee vun deen éischten [[Computer|Mikrocomputer]] deen an [[Seriëfabrikatioun]] geet an um Marché verkaaft gëtt, den [[Altair 8800]]. 
*[[1976]]: Den [[Mikrocomputer]] [[Apple I]] geet an d'Seriëfabrikatioun, deen éischten [[Personal Computer]] als Kit, fir selwer zesummen ze bauen.
*[[1977]]: Den Personal Computer [[Commodore PET]] geet an d'Massen-Seriëfabrikatioun, deen éischten Personal Computer deen een direkt ka benotzen.
*[[1991]]: Éischte [[Lithium-Ionen-Akku]] um [[Maart]].

=== Elektrotechnik am 21. Joerhonnert ===

* [[2004]]: Strukturgréisste vun 100 [[Meter|Nanometer]] ginn ënnerschratt bei kommerzielle Produiten. Dës [[Industrie]] gëtt formell dem elo nei entstanene Beräich [[Nanoelektronik]] zougeuerdent.

== Um Spaweck ==
{{Commonscat|Electrical engineering|Elektrotechnik}}
{{Referenzen}}

[[Kategorie:Elektrotechnik| ]]