Elektrotechnik

Vu Wikipedia
Op d'Navigatioun wiesselen Op d'Siche wiesselen
Particle physics stub.svg Dëse Physiksartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Eng Elektronikplatine respektiv e PCB
Elektresch Fräileitungen
Telekommunikatiouns-Antennen

D'Elektrotechnik ass eng Ingenieurswëssenschaft déi sech mam Studium a mat der technescher Applikatioun vun der Elektrizitéit befaasst[1][2][3].

Dozou gehéieren zum Beispill den Transport, d'Distributioun, d'Transformatioun, d'Gestioun an de Gebrauch vun der elektrescher Energie.

Et gëtt verschidde grouss a klassesch Spezialisatioune wéi d'Energietechnik, d'Elektronik, d'Automatiséierungstechnik, oder d'Noriichtentechnik respektiv Telekommunikatioun.

Haaptberäicher vun der Elektrotechnik[änneren | Quelltext änneren]

Historesch kann ee soen datt als éischt d'Beräicher Energietechnik an Telekommunikatioun entstane sinn. Méi spéit huet sech an der Elektrotechnik d'Elektronik an d'Automatiséierungstechnik entwéckelt. D'Grenze vun de Beräicher si fléissend an et gëtt och ganz vill Ënnerberäicher. An der Schoul souwéi dono am Beruffsliewen kann een sech spezialiséieren fir Expert ze ginn.

Energietechnik[änneren | Quelltext änneren]

An der Energietechnik geet et ëm elektresch Energieewandlung, -Veraarbechtung, -Transport an -Verdeelung.

Deelberäicher sinn ënner anerem: Elektresch Stroumnetzer, Elektresch Energieverdeelung, Smart Grids, Kraaftwierkstechnologien, respektiv Produktioun vun elektrescher Energie, elekresch Maschinnen (Trafoen, Motoren an Generatoren), elektresch Energiespäichertechnologien, Leeschtungselektronik, Energiewandler a Konverter, elektresch Energieversuergung an Installatiounstechnik (A Gebaier: Panzerkëscht, Sécherungskëscht, Verkabelungen, Steckdousen,...) …

Noriichtentechnik respektiv Telekommunikatioun[änneren | Quelltext änneren]

D'Norichtentechnik hëlleft Noriichten respektiv Informatiounen ze veraarbechten an z'iwwerdroen an dat iwwer elektresch an optesch Kabelen, souwéi och iwwer elektromagnéitesch Wellen (Antennen).

Deelberäicher sinn ënner anerem: d'Kommunikatiounstheorie, d'Signaltheorie, d'Signalveraarbechtung a Wandlung, d'Antennentechnik, d'Funk- a Mobilfunktechnik, d'Netzwierktechnik, d'Satellittentechnik, d'Informatiouns- an Dateveraaarbechtung, d'Kompriméierung an d'Codéierung, …

Elektronik, Mikroelektronik an Nanoelektronik[änneren | Quelltext änneren]

D'Elektronik ass d'Miniaturiséierung vun elektresche Schaltkreesser. D'Elektronik ass net op Schalttafelen oder Maueren verluecht mais verbaut op Platinnen déi mat den elektroneschen Baudeeler besteckt ginn, oder am Fall vun der Mikroelektronik als integréiert Schaltkreesser zum Beispill de Silizium-Chip.

Mikroelektronik huet als Zil elektronesch Schaltkreesser, sou wäit wéi et technesch méiglech ass, ze miniaturiséieren. D'Elektronik gëtt well se sou kleng ass meeschtens a Gehaiser agebaut, verkaaft an installéiert. A verschiddenen Industrien, ass d'100-Nanometer-Limitt schonn ënnerschratt, soudatt een neierdéngs hei formell vun Nanoelektronik schwätzt.

Deelberäicher sinn ënner anerem: d'Analogelektronik, d'Digitaltechnik, PCB-Design, Chip-Design, Mikroprozesser a Mikrokontroller, Embedded Systems a Programméieren,...

Automatiséierungstechnik[änneren | Quelltext änneren]

Bei der Automatiséierungstechnik geet et ëm d'Ersetze vu mënschlechen Handlungen, Aarbechten oder Aufgaben, mat Automaten, also duerch Maschinnen. Dat geet entweder vollelektresch, elektromechanesch, vollmechanesch, mä awer och digital an den Informatiounssystemer. Grouss Stéchwierder sinn d'Robotik, d'Industrie 4.0, d'Digitaliséierung an d'Kënschtlech Intelligenz.

Deelberäicher sinn ënner anerem: d'Systemtheorie, Kybernetik, d'Reegelungstechnik, d'Steierungstechnik, d'Miesstechnik, d'Sensorik, d'Robotik, d'Digitaltechnik, d'Automateprogramméierung an d'Informatiounstechnik an d'Bildveraarbechtung.

Geschicht vun der Elektrotechnik[änneren | Quelltext änneren]

Entdeckt Naturgesetzer vun der Elektrizitéit[änneren | Quelltext änneren]

D'Naturgesetzer vun der Elektrizitéit sinn e Fëllement ob dat d'Elektrotechnik opbaut.

Nuvola apps xmag.png Méi Informatioun doriwwer am Artikel: Elektrizitéit

Ufank vun der Elektrotechnik : 17. an 18. Joerhonnert[änneren | Quelltext änneren]

Dem Gilbert säi Versorium
Elektrostatesche Generator
Leidener Fläsch
Voltasail

Elektrotechnik am 19. Joerhonnert[änneren | Quelltext änneren]

Elektrotechnik am 20. Joerhonnert[änneren | Quelltext änneren]

Elektrotechnik am 21. Joerhonnert[änneren | Quelltext änneren]

  • 2004: Strukturgréissten vun 100 Nanometer ginn ënnerschratt bei kommerzielle Produiten. Dës Industrie gëtt formell dem elo nei entstanenen Beräich Nanoelektronik zougeuerdent.

Um Spaweck[änneren | Quelltext änneren]

Commons: Elektrotechnik – Biller, Videoen oder Audiodateien

Referenzen[Quelltext änneren]

  1. Centre national de ressources textuelles et lexicales mat Bezuch:Cours modernes d'électrotechnique
  2. électrotechnique = étude des applications techniques de l'électricité Larousse 1965 S.1028
  3. https://www.wortbedeutung.info/Elektrotechnik/ Definitioun am Online Wörterbuch