Fanger

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Fangere vun enger lénkser Hand vum Mënsch:
1: Daum (pollex)
2: Zeigefanger (index)
3: Mëttelfanger (digitus medius)
4: Rankfanger (digitus anularis)
5: klenge Fanger (digitus minimus)

D'Schanken an der mënschlecher Hand (op Däitsch a Latäin).

E Fanger (lat.: digitus manus) ass eng vu fënnef Extremitéiten un der Hand.

D'„Fangeren“ vun den ënneschten Extremitéiten (Féiss) sinn d'Zéiwen.

D'Entwécklung vum Fanger war e Sprong an der Evolutioun, déi et de Liewewiese mat Fangeren erméiglecht huet, Géigestänn ze gräifen an ze manipuléieren.

Beim Mënsch

Beim Mënsch besti véier vun de fënnef Fangeren aus jee dräi Schanken. Déi Schanke sinn de phalanx proximalis, de phalanx media an de phalanx distalis. Nëmmen den Daum huet zwou Schanken. Gelenker verbannen déi Schanke mateneen a mat der Mëttelhandschank (ossa metacarpi). Den Daum vum Mënsch ass dobäi besonnesch, well en duerch d'Aart a Weis, wéi en opgebaut ass, eng Oppositiounsstellung géigeniwwer den anere Fangeren erlaabt.

D'Fangere beweege sech, mat Ausnam vum Daum, duerch d'Wierkung vu Seenen, déi un de Muskelen am Ënneraarm an anere klenge Muskelen, déi un de Fangeren hänke, verbonne sinn. D'Fangere selwer hu keng Muskelen. Den Daum gëtt duerch Muskelen an der Handfläch beweegt, déi mat der éischter Mëttelhandschank verbonne sinn.

Sproochleches

Bezeechnung vun de Fangeren:

Fangeren, beim Daum ugefaangen

Nr	Latäin	Lëtzebuergesch	Varianten, deels vereelzt oder Kannersprooch
1	Pollex	Daum	Dommenéck, Daimerléck, Daimchen
2	Index	Zeigefanger	Féngerléck, Praimchen, Prëmmchen, Spëtzléck, no der Funktioun och nach: Leck-, Schreif-, Suckelfanger
3	Digitus medius	Mëttelfanger	Laanghals, Laanghaans, Laangschwanz, Laangschwänzchen, Laangemann, de Laangen
4	Digitus anularis	Rankfanger oder Rénkfanger	Grohänschen, Goldfanger, Jäizhals, Taupert, Topert, Toppmann
5	Digitus minimus	Klenge Fanger	Stuppschwanz, Stuppschwänzchen, Tiipchen, Tipert, klenge Babbeler, de Klengen

Kannerreim

Eng vun e puer Variante vun engem Lëtzebuerger Kannerreim:

Den Daimerléck ass an de Pëtz gefall,
De Féngerléck huet en eraus gezunn,
De Laangschwänzchen huet en ofgedréchent,
De Grohänschen huet en an d'Bett geluecht,
An de Stuppschwänzchen huet der Mamm et gesot.

Kuckt och

• Polydaktylie: eng Anomalie, bei där ee méi wéi fënnef Fanger huet.

Um Spaweck

Commons: Fanger – Biller, Videoen oder Audiodateien