Frederik Kaiser
| Frederik Kaiser | |
|---|---|
 | |
| Gebuer |
10. Juni 1808 Amsterdam |
| Gestuerwen |
28. Juli 1872 Leiden |
| Nationalitéit | Holland |
| Educatioun | Universitéit vu Leiden |
| Aktivitéit | Astronom, Professer, Universitéitsprofesser |
| Member vun | Preisesch Wëssenschaftsakademie, Koninklijke Nederlandse Akademie van Wetenschappen |
 | |
De Frederik Kaiser, gebuer den 10. Juni 1808 zu Amsterdam, a gestuerwen den 28. Juli 1872 zu Leiden, war en hollänneschen Astronom. Hie war vum Joer 1838 bis zu sengem Doud Direktor vum Observatoire vu Leiden.
De Kaiser gëtt mat dem Fortschrëtt vun der hollännescher Astronomie a Verbindung bruecht, well hien zu senger Zäit héichrangech Bäiträg zu der Positiounsbestëmmung gemaach huet. Zousätzlech huet hien am Joer 1861 e modernen Observatoire gebaut, haut bekannt ënner dem Numm Oude Sterrewacht (alen Observatoire), an huet domat gehollef d'Astronomie an Holland populär ze maachen.
Hien huet eng Serie Zeechnunge vum Mars wärend deem senger Oppositioun am Joer 1862 gemaach. Donieft huet hien och zimmlech prezis Rotatiounsperiodebestëmmungen notéiert.
Op dem Mound an um Mars gouf e Krater zu sengen Éiere genannt, geneesou och den Asteroid (1694) Kaiser.
Um Spaweck
[änneren | Quelltext änneren]| Commons: Frederik Kaiser – Biller, Videoen oder Audiodateien |
- (de) Noruff
- (en) Petra van der Heijden: Frederik Kaiser (1808-1872) an d'Moderniséierung vun der hollännescher Astronomie.