Gromperemaschinn

Vu Wikipedia
Op d'Navigatioun wiesselen Op d'Siche wiesselen
Gromperemaschinn ausgestallt zu Nacher

Eng Gromperemaschinn ass e landwirtschaftlecht Geschir fir Gromperen erauszehuelen.

Déi éischt Gromperemaschinne koumen an der Mëtt bis Enn vum 19. Joerhonnert op. Virdrun hu missen d'Grompere mam Spuet, mam Greef oder mat engem Grompereplou erausgeholl ginn.

Eng Gromperemaschinn ass un sech eng einfach Maschinn op zwee stole Rieder, déi vu Päerd oder vun engem Trakter gezu gëtt.

Iwwer dem Fuere vun der Maschinn grueft eng Schuer sech an de Buedem, ënner d'Gromperen, déi doduerch ugehoff ginn, an an de Beräich vun enger Schleider kommen déi dréint, an doduerch d'Grompere vun der Schuer ewechschleidert. D'Schleider besteet aus Gafele mat Zénken do no beienee stinn, a stärefërmeg op enger Achs opmontéiert sinn. D'Kraaft fir dat Ganzt ze dreiwen, gëtt vun de Rieder iwwer e Pont am rechte Wénkel op déi Achs iwwerdroen. Bei méi neie Modeller kann d'Kraaft awer och vun der Zapwell vum Trakter kommen.

Um Spaweck[änneren | Quelltext änneren]

Commons: Gromperemaschinn – Biller, Videoen oder Audiodateien