Joseph Eyschen
| Joseph Eyschen | |
|---|---|
| Gebuer |
15. Mäerz 1931 Lëtzebuerg |
| Gestuerwen |
10. Februar 2025 Lëtzebuerg |
| Nationalitéit | Lëtzebuerg |
| Aktivitéit | Basketballspiller, Urolog, Politiker, Deputéierten |
| Partei | Demokratesch Partei |
 | |
De Joseph ("Josy") Eyschen, gebuer de 15. Mäerz 1931 an der Stad Lëtzebuerg, an och do den 10. Februar 2025 gestuerwen, war e lëtzebuergeschen Dokter, Politiker (DP)[1] a Basketballspiller.[2]
De Josy Eischen war dat eelst vu véier Kanner. Hien huet zu Paräis, Léiwen a Cleveland Medezin studéiert, wou e sech op Urologie spezialiséiert huet. Dono huet hien am Escher Spidol geschafft, an huet do d'Dialys-Statioun opgebaut.[1]
1969 gouf hie Member vun der DP. Bei de Chamberwale vum 26. Mee 1974 a vum 10. Juni 1979 huet hien op der Süd-Lëscht fir d'DP kandidéiert a gouf an d'Chamber gewielt. Dono war hien nach zweemol Kandidat, ouni awer gewielt ze ginn. Vun 1982 bis 1987 a vun 1990 bis 1993 war hie Member vum Escher Gemengerot.[1]
A senger Jugend huet hie Basketball gespillt; 1951 war hien am Kader vun der lëtzebuergescher Härebasketballnationalekipp, an huet eemol fir d'Nationalekipp gespillt.[2]
De Josy Eyschen war bestuet an hat zwee Kanner.
Kuckt och
[änneren | Quelltext änneren]- Lëscht vun de lëtzebuergesche Politiker
Portal Sport- Lëscht vu lëtzebuergesche Sportler
- Lëscht vu lëtzebuergeschen Olympionicken
- Lëtzebuergesch Sportler vum Joer
Referenzen
[Quelltext änneren]- ↑ 1,0 1,1 1,2 Glenn Schwaller: "Früherer DP-Politiker Josy Eyschen gestorben." wort.lu, 12.02.2025; Roy Grotz: Dr. Josy Eyschen am Alter vun 93 Joer gestuerwen. rtl.lu, 12.02.2025.
Mensch, Arzt und Politiker. Josy Eyschen (93), Begründer des Dialysedienstes in Esch verstorben. Tageblatt, Nr. 37, 13. Februar 2025, S. 18.
Früherer DP-Politiker Josy Eyschen gestorben. Luxemburger Wort, Nr. 37, 13. Februar 2025, S. 8. - ↑ 2,0 2,1 http://archive.fiba.com/pages/eng/fa/player/p/pid/67409/sid/2243/tid/320/tid2//_/1951_European_Championship_for_Men/index.html