Levana

D'Levana (vum lat.: levare = hiewen) ass d'réimesch Gëttin vun de frësch gebuerene Puppelcher. Den Numm geet op de réimesche Brauch zeréck datt de Papp d'Kand just no der Gebuert an d'Luucht hieft an un d'Broscht vun der Mamm leet.

Den engleschen Auteur Thomas de Quincey (1785-1859) huet a sengem Gedicht Levana and Our Ladies of Sorrow d'Roll vun der Levana an der réimescher Mythologie beschriwwen.