Monophona

Monophona ass eng lëtzebuergesch Museksgrupp, déi eng Mëschung aus elektronescher Musek a Song-Writermusek spillt. Hir Texter sinn op Englesch.

Geschicht

D'Grupp hat hiren Ufank am Wanter 2010, wou d'Claudine Muno mam DJ Chook e gemeinsame musikalesche Projet diskutéiert hunn, obwuel se vu ganz verschiddene musikalesche Richtunge koumen. Wéi se ugefaangen hunn, live op der Bün opzetriede koum als drëtte Bandmember de Perkussionist Jorsch Kass dobäi.

Se haten eng Rei national an international Optrëtter, z. B. si se um Printemps de Bourges-Festival an op der Midem (Musekfoire) zu Cannes als Vertrieder vu Lëtzebuerg opgetrueden. Och um FFYS-Festival 2012 ware se dobäi.

Am November 2012 ass hir éischt CD The Spy erauskomm.

Deen zweeten Album gouf den 30. Januar 2015 mat engem Live-Concert am Exit07 presentéiert.

Bandmemberen

• Claudine Muno (Gesank, Gittar, Keyboard)
• Philippe Schirrer aka Chook (Elektronesch Produktioun)
• Jorsch Kass (Perkussioun)

Discographie

• 2012, The Spy (Album)
• 2015, Black on Black (Album)
• 2017, Girls on Bikes, Boys Who Sing (Album)

Literatur

• Martina Folscheid: Begegnung zweier Musikwelten am Télécran vum 12. Dezember 2012, S. 143
• Claire Barthelemy: Symbiosis am Lëtzebuerger Land vum 16.11. 2012
• Luc Caregari: Tout sauf monotone an der Woxx vum 18. August 2011

Um Spaweck

• Websäit vu Monophona
• Monophona op Facebook
• Monophona op Fuze