Nero Wolfe

Nero Wolfe
Nero Wolfe
	den Nero Wolfe (Illustratioun 1938).
Createur	Rex Stout
Ass en(g)	fiktive Mënsch, literaresch Figur, Televisiounsfigur
Geschlecht	männlech
Produktiounsland	Vereenegt Staate vun Amerika

Den Nero Wolfe ass dee bekanntste Personnage vum US-amerikanesche Schrëftsteller Rex Stout, deen an der eponymer Bicherserie (1934–73) fungéiert huet. De Wolfe ass e Privatdetektiv. Sengen Assistent Archie Goodwin ass den zweete Protagonist an der Serie.

Den Nero Wolfe a säin Detektivbüro

An der 35. Strooss zu New York City "residéiert" den Nero Wolfe, 140 Kilo, an engem Zillenhaus. Hien ass spezialiséiert op Mordfäll, déi hie vu sengem Schreifdësch aus léist. Fir de Kontakt mat der Baussewelt ass säi Sekretär a Meedche fir Alles zoustänneg, den Archie Goodwin, dee sech mat der Zäit un déi exzentresch Liewensweis vu sengem Chef gewinnt huet; kee geschäftlech Gespréich beim Iessen an den Hass op Fraen. De Wolfe kann d'Frae net ausstoen, besonnesch net déi déi sech a sengem Büro hysteresch opféieren. Berufflech kritt e sech dacks an d'Hoer mam Inspekter Cramer an dem Sergeant Purley Stebbins vun der New-Yorker Mordkommissioun.

Den Nero Wolfe staamt aus dem Montenegro a seng Leidenschaft ass seng Orchideeënzuucht.

Beim Nero Wolfe wunnen den Archie, de Fritz Brenner, e Schwäizer Kach, dee fir exquisit Moolzechte suergt, an den ale Gäertner, den Theodor Horstman, dee sech ëm d'Orchideeë këmmert.