Peter Pellegrini
| Peter Pellegrini | |
|---|---|
.jpg) | |
| Gebuer | 6. Oktober 1975 |
| Nationalitéit | Slowakei |
| Aktivitéit | Politiker |
 | |
De Peter Pellegrini, gebuer de 6. Oktober 1975 zu Banská Bystrica, ass e slowakesche Politiker (Smer). Hien ass zanter dem 15. Juni 2024 President vun der Slowakei.[1]
Liewen a Karriär
[änneren | Quelltext änneren]De Pellegrini huet Finanzwëssenschafte studéiert an dono als Geschäftsmann geschafft.
2000 gouf e Member vun der Smer, enger Partei, déi kuerz virdru vum Robert Fico gegrënnt gi war. 2002 gouf hien Assistent vun engem Smer-Deputéierten am slowakesche Parlament ("Nationalrot"). Bei de Walen 2006 gouf hie selwer als Deputéierte gewielt, an 2010, 2012 an 2016 erëmgewielt.
Den 3. Juli 2014 gouf hien ënnert dem Premierminister Robert Fico Minister fir Edukatioun, ma gouf schonn de 24. November 2014 President vum Nationalrot ernannt. No de Walen 2016 gouf hien, ënnert dem Prmeirminister Fico, Vize-Premier, resoponsabel fir Investitiounen.
De Robert Fico ass an der Folleg vun der Regierungskris, déi duerch d'Ermuerdung vum Journalist Ján Kuciak entstane war, de 14. Mäerz 2018 zeréckgetrueden, an de Pellegrini gouf den 22. Mäerz als säin Nofollger vereedegt.[2]
Den 21. Mäerz 2020 gouf hien a senger Fonctioun vum Igor Matovič ogeléist.
Bei de Prersidentschaftswalen 2024 ass de Pellegrini de 7. Abrëll am Zweeten Tour zum Nofollger vun der Zuzana Čaputová gewielt ginn.