Pickegen Drot

Vu Wikipedia
Pickegen Drot
Pickegen Drot an der Somme-Schluecht, am Éischte Weltkrich.

Pickegen Drot besteet gewéinlech aus zwéi verdrillten Dréit, op deenen a reegelméissegen Ofstänn zwéin Dréit opgewéckelt sinn, deenen hir Enner radial ofstinn an déi queesch ofgeschnidde sinn, soudatt s'eng schaarf Kant hunn.

Pickegen Drot gëtt gespaant oder a Rullen ausgeluecht, fir Mënschen an Déieren drun ze hënneren, anzwousch eran oder erauszegoen.

De pickegen Drot gouf zanter der zweeter Hallschecht vum 19. Joerhonnert entwéckelt, wéi an de Vereenegte Staaten d'Rannerziichter hir Weeden hu missen ofgrenzen, resp. schützen. Geschwë koum en och militäresch zum Asaz, eng éischte Kéier am Zweete Burekrich, wéi d'Engländer domat hir Militärbase virun Ugrëffer schütze wollten.

1873 huet den Joseph F. Glidden seng Erfindung vum pickegen Drot patentéiere gelooss. D'Firma Washburn and Moen huet 1876 ugefaangen, en industriell ze produzéieren, an 1884 hu se en Accord mat der däitscher Firma Felten & Guilleaume geschloss, déi en och zu Lëtzebuerg verkaaft huet.

Haut gëtt bei Véiweeden ëmmer méi dacks Drot, deen ënner Stroum steet, geholl, well de pickegen Drot eng Gefor virun allem fir grouss Vullen ass, déi doranner hänke bleiwen a sech blesséieren oder esouguer futti goe kënnen, ma och soss den Déiere Péng mécht, resp. hinne Wonne mécht, déi d'Qualitéit vun hirer Haut erofsetzen.

An eenzelen Gemengen ass et verbueden en Zonk mat pickegem Drot direkt laanscht d'Gemengeweeër opzeriichten.[1]

Literatur[änneren | Quelltext änneren]

  • Robert O Campbell, Vernon L. Allison: Barriers – An Encyclopedia of United States Barbed Wire Patents. Western Profiles Publishing Company, Denver 1986, ISBN 0-937231-00-2.
  • Harold Hagemejer: The Barbed Wire Identification Encyclopedia. Morris Publishing, Kearney 2001, ISBN 0-9659677-8-6.
  • Robert Lebegern: Mauer, Zaun und Stacheldraht. Sperranlagen an der innerdeutschen Grenze 1945–1990. ROLE, Weiden 2002, ISBN 3-936545-00-6.
  • Reviel Netz: Barbed Wire: An Ecology of Modernity. Wesleyan University Press, Middletown 2004, ISBN 978-0-8195-6959-2
  • Olivier Razac: Politische Geschichte des Stacheldrahts – Prärie Schützengraben Lager. Diaphanes, Zürich 2003, ISBN 3-935300-31-X.
  • Delbert Trew: Warwire. The History of Obstacle Wire Use in Warfare. Delbert Trew, Alanreed TX 2003, ISBN 0-9659677-3-5 (englisch).

Kuckt och[änneren | Quelltext änneren]

Um Spaweck[änneren | Quelltext änneren]

Commons: pickegen Drot – Biller, Videoen oder Audiodateien

Referenzen[änneren | Quelltext änneren]

  1. Gemengereglement vun der Gemeng Buerschent iwwert d'Feld- an d'Bësch-Weeër