Pionéierbamaarten

Pionéierbamaarte si Beem déi als éischt fräi Flächen, wéi zum Beispill no Kalschléi, Äerdrutscher oder Bränn koloniséieren.

Pionéierbamaarten:

• Bierk (Betula pendula)
• Bëschkifer (Pinus sylvestris)
• Alenter (Alnus glutinosa)
• Salweid (Salix caprea)
• Vullekiischt (Sorbus aucuparia)
• Meläs (Larix decidua)
• Esp och Zidderpëppel (Populus tremula)

Pionéierbaamarten hunn eng Rëtsch gemeinsam Eegenschaften: si wuesse séier, verdroen d'Klimaextremer gutt, a stelle keng grouss Uspréch un de Buedem.

Si ginn dofir do ugeplanzt wou et drëms geet, fir de Buedem fir aner Holzaarten ze preparéieren, an e Schierm opzebauen, fir doduerch eng Protektioun fir déi méi empfindlech Naamaarten ze maachen.